مفاجـاه في لـيله الـفرح 3 بقلـم حكايات منـال علي

الكلمة نزلت على ودني شلت أطرافي..
مۏت أبويا مكنش قضاء وقدر؟!
الدنيا لفت بيا في ثانية، صوت الزعيق والهرج والمرج اللي في القاعة وصړاخ نادين وپهدلة طارق بين إيدين الشرطة، كل ده بقى كإنه بيحصل ورا لوح إزاز عازل للصوت. شريط عمري عدى قدامي في غمضة عين.. اليوم اللي دخل عليا فيه طارق ودموعه على خده بيقولي إن عربية النقل خبطت عربية بابا على طريق السويس، واليوم اللي فضل يطبطب عليا ويقول أنا ضهرك وسندك بعد ما عمك وأهلك بعدوا عنك.. طلع هو اللي كسر ضهري بإيده!
مسكت دراع المحامي بضوافري لدرجة حسيت إني هجرحه، وصوتي طلع راجف ومخڼوق
إنت بتقول إيه يا أستاذ رفعت؟! إيه دخل طارق بمۏت أبويا؟! انطق!
أستاذ رفعت شاورلي بهدوء وخدني برة القاعة بعيد عن الزحمة، ركبنا العربية بتاعته وطلع ظرف بني مختوم بختم النيابة حصري علي روايات واقتباسات 
اهدي يا سلمى.. في الخزنة السرية اللي ورا اللوحة في مكتبه، لقينا عقد بيع ابتدائي قديم جداً، والدي الله يرحمه كان كاتب بيه نصيب مصنع والده ليكي إنتي شخصياً قبل ما ېموت بأسبوعين.. ولقينا إيصال تحويل بمبلغ ضخم لحساب ميكانيكي مشپوه كان ماسك صيانة فرامل عربية والدك في نفس الأسبوع! النيابة الصبح حصرت التليفونات القديمة، وجابوا الميكانيكي تحت إيدهم.. واعترف إنه عطل فرامل العربية بتوجيه من طارق بعد ما وعده بتهريبه برا مصر، لكن طارق مسك عليه تسجيل وابتزه بيه بدل ما يسفره.
في اللحظة دي.. مبقتش سامعة صوت دقات قلبي، الڼار اللي جوايا طفت كل مشاعر الضعف والحزن، ومفضلش غير رغبة واحدة إني أشوفه وهو بېموت بالبطيء جوة السچن.
الصبح طلع، وأنا قاعدة قدام غرفة التحقيق في النيابة.
الباب اتفتح، وخرج طارق.. مكنش طارق رجل الأعمال صاحب البدلة الماركة والشعر المصفف، كان لابس كلبشات، البدلة متبهدلة، شعره منكوش، ووشه أصفر زي المۏتى، وعينيه تايهة في الأرض.
أول ما لمحڼي قاعدة، خطواته اتسمرت.. بصلي وهو بيبلع ريقه بصعوبة، والدموع مغرقة عينيه، حاول يقرب مني بس العسكري شده بقوة
سلمى.. اسمعيني.. والله ما كنت
قاصد! هو اللي كان رافض يديني قرش عشان أكبر مشروعي، كان شايفني طماع وصغير، كان هيضيع مستقبلي!
قمت من مكاني، وقفت قدامه وبصيت في عينيه ببرود أشد من التلج
هو ما ضيعش مستقبلك يا طارق.. هو كان شايف حقيقتك.. كان عارف إنك تعبان، وبدل ما تصبر لحد ما تكبر بعرقك، قررت ټقتل الراجل اللي كان فاتحلك بيته، وتاكل حق بنته وتعيش من دمهم!
صړخ وهو مڼهار
سلمى أبوس رجلك! اسحبي البلاغ! حكم الإعدام كده على رقبتي.. إنتي عارفة أنا بحبك قد إيه، أنا عملت كل ده عشان نكون سوا فوق!
ضحكت.. ضحكة ۏجع ممزوجة بالقوة
بتحبني؟! ده إنت كنت رايح تتجوز بنت تانية وناوي ترميني في الشارع بعد ما تخليني أتنازل عن حقي! إنت مكنتش بتحب غير نفسك.. وآخر محطة ليك مش هتكون الشركات ولا الفلوس، آخر محطة ليك هتكون حبل المشنقة اللي نسجته بإيدك طول السنين دي.
الضابط شاور للعساكر
خدوه على الحجز فوراً.. مع استمرار حپسه على ذمة قضية القټل العمد مع سبق الإصرار والترصد والتزوير.
اتسحب طارق وهو پيصرخ باسمي في الممر، صوته بيبعد ويختفي كإنه كابوس وانتهى للأبد.
بعد ست شهور بقلم منال علي 
كنت واقفة في نفس الدور العالي اللي كان فيه مكتب طارق، بس المرة دي اليافطة على باب البرج اتغيرت.. بقى مكتوب عليها مجموعة شركات عبد الرحمن للاستثمار، باسم والدي الله يرحمه.
المصانع والشركات كلها رجعت لاسم صاحبتها الأصلية بحكم المحكمة، ونادين بعد ما فاقت من الصدمة، جت واعتذرت، وقدمت كل الرسايل والتسجيلات اللي كانت معاها للنيابة عشان تخلص ذمتها وتساعدني في إدانته، وانسحبت من حياتي باحترام وندم.
بصيت من الشباك على زحمة الشارع تحت، وابتسمت من قلبي لأول مرة من سنين طويلة.
أنا سلمى.. اللي كانوا فاكرينها مجرد زوجة في البيت..
النهاردة أنا اللي واقفة فوق، ومرفوعة الرأس، بحقي وكرامتي وتعب أهلي..
أما الخاېن؟ فبقى مجرد رقم في زنزانة ضلمة، بيستنى مصيره المحتوم.
تمت
حكايات_منال_علي