مفاجأة في ليلة الفرح الأول
في ليلة فرحه مراته ظهرت قدام العروسة بسر محدش يتخيله!!!!!!!
أنا سلمى ومشكلتي ما بدأتش يوم اكتشفت إن جوزي ناوي يتجوز عليا.
مشكلتي بدأت من سنين
يوم ما صدقته لما قالي سلمى، أنا مش عايز أفضل موظف طول عمري نفسي أبقى صاحب شركة.
وقتها ما كانش معاه غير حلم.
وأنا كان معايا شوية فلوس ورثتهم عن أبويا، وشغل سنين كنت محوشة منه.
بعت دهبي، وسحبت جزء من فلوسي، وحطيتهم كلهم قدامه.
قلتله ابدأ وأنا واثقة فيك.
وفعلًا بدأ.
شركة صغيرة كبرت.
وبعدها شركة تانية.
وبعد كام سنة، بقى اسمه معروف، وعنده فلوس وشهرة وعلاقات.
لكن الغريب إن كل ما هو كان بيطلع لفوق
أنا كنت بنزل لتحت.
بقيت بالنسبة له الزوجة اللي موجودة في البيت.
لا حد بيشكرني، ولا حد بيسأل أنا عملت إيه عشانه.
لحد ما في يوم رجع البيت، حط ظرف قدامي وقال عايزك تمضي هنا.
بصيت في الورق. بقلم منال علي
وكان أول مرة أشوف اسمي مكتوب جنب كلمة تنازل.
رفعت عيني له.
تنازل عن إيه؟
اتوتر.
إجراءات عادية تخص الشركة.
ما مضيتش.
ومن اليوم ده بدأت ألاحظ حاجات غريبة.
حسابات اتغيرت.
عقود اختفت.
وشخص جديد ظهر في الشركة
بنت صغيرة اسمها نادين.
كان بيقول إنها مديرة علاقات عامة.
لكن نظراته ليها كانت بتقول حاجة تانية.
وفي ليلة، وأنا بدور على ملف قديم في مكتبه، لقيت دعوة فرح.
فتحتها
وقرأت اسمه.
وبجانبه اسم نادين.
الفرح بعد عشرة أيام.
وقتها ما صرختش.
ما واجهتوش.
وما طلبتش الطلاق.
عملت حاجة واحدة بس
ابتسمت.
لأني افتكرت إن كان عندي ملف قديم جدًا
ملف هو نفسه نسي إنه موجود.
وفي اليوم التالي بدأت أجمع كل حاجة. حصري علي روايات واقتباسات
تحويلات بنكية.
عقود.
رسائل.
إيصالات.
وتسجيلات تثبت إن جزء كبير من الشركة اتبنى بأموالي.
لكن المفاجأة إن الموضوع ما وقفش هنا.
اكتشفت إن نادين نفسها
ما كانتش عارفة الحقيقة كاملة.
جوزي كان قال لها إنه مطلقني من شهور.
وكان واعدها إنه هيسجل لها جزء من الشركة بعد الجواز.
يعني هو كان بيخونني
وبيضحك عليها هي كمان.
وقبل الفرح بيوم، وصلتني رسالة منه بكرة هبدأ حياتي الجديدة أتمنى تتقبلي الموضوع بعقل.
بصيت للرسالة وضحكت.
وكتبتله متقلقش أنا جاية بنفسي.
في يوم الفرح
القاعة كانت مليانة.
العريس واقف جنب العروسة، والكل بيبارك.
وفجأة حصري علي روايات واقتباسات
باب القاعة اتفتح.
دخلت أنا.
بس المرة دي ما كنتش لوحدي.
كان ورايا محامي
ومعه ملف أسود.
جوزي أول ما شافني، وشه اتغير.
قرب مني بسرعة وهمس إنتي بتعملي إيه هنا؟!
ابتسمت. جاية أباركلك.
بص للملف في إيد المحامي.
إيه ده؟
قلت بهدوء دي أول هدية.
وبصيت للعروسة.
بس قبل ما تفتحيها في حاجة لازم تعرفيها عن الراجل اللي واقف جنبك.
سكتت القاعة كلها.
العروسة بصت لجوزي.
هو قالّي إن مراته موافقة على الجواز.
ضحكت وقلت مراته؟ أنا مراته لحد دلوقتي.
وبعدين حطيت الملف على الترابيزة.
والأهم إن الشركة اللي وعدك بجزء منها، ممكن تخرج من إيده هو شخصيًا.
اتجمد مكانه. بقلم منال علي
أما العروسة
فمدت إيدها ناحية الملف.
لكن قبل ما تفتحه، قلت لها افتحيه بس خليكي مستعدة تعرفي إن الراجل ده مش بس خان مراته ده بنى كل اللي واقف عليه النهارده من فلوسها. حصري علي روايات واقتباسات
وفي اللحظة دي اتفتح أول مستند.
لكن اللي كان مكتوب فيه
كان أخطر من كل اللي توقعته!!!!!!!!
حكايات_منال_علي
