فشخرة كدابه الجزء الثاني حكايات مني السيد

الفصل الثالث والأخير
الصوت اللي كان بيتردد برة الأوضة مكنش صوت بني آدم طبيعي، كان صوت وحش مجروح بيخبط في الحيطان ويدور على أي حاجة يكسرها عشان يطفي غليله. عصام رزع باب الشقة وراه ونزل يلف حوالين نفسه في الشارع، ورجع بعد نص ساعة يخبط على باب أوضتي پجنون، صوته كان فحيح مليان سم افتحي يا إسراء! افتحي بدل ما أكسر الباب فوق دماغك! فاكرة نفسك هتعلمي عليا وتنامي مرتاحة؟! وحياة أمي لأخليكي تدفعي تمن الڤضيحة دي من لحمك الحي!
كنت قاعدة على طرف السرير، قلبي كان بيدق في الأول، بس مش من الخۏف... كان بيدق من طاقة الڠضب اللي اتحبست تلات سنين كاملة وخلاص لقت طريقها للنور. بصيت للمفتاح في الباب، وقومت بهدوء تام، مطلعتش مني صړخة ولا عياط، روحت للدولاب وفتحت الخزنة الصغيرة، وطلعت الدوسيه الكحلي اللي بقالي ست شهور بجمع فيه كل ورقة وكل إيصال وكل تحويل.
فتحت الباب فجأة. عصام كان رافع إيده عشان يخبط تالت، فضل معلق إيده في الهوا مذهول من برودي. وشه كان محتقن وعينيه حمرة من الغيظ، ريحة عرق الڠضب طالعة منه، ودخل يزقني في كتفي وهو بيزعق إنتِ ليكي عين تبصيلي؟! إنتِ خليتي عيلتي كلها تسيب البيت وتمشي على لحم بطنها! أمي ضغطها علي وراحت المستشفى تعلق محاليل بسبب عملتك السودة، وعمي توفيق كلم كل رجالة العيلة وقالهم عصام طلع عيل ومبيعرفش يربي مراته ولا يفتح بيته!
بصيتله من فوق لتحت بابتسامة سخرية قطعت نفسه عمك توفيق مغلطش في أول نقطة، إنت فعلاً طلعت عيل وملكش أمان، بس مش عشان معرفتش تربيني، عشان إنت معرفتش يعني إيه بيت وراجل وستر. إنت استغليت بنت أصول دخلت بيتك عشان تصونها، خليتها تصرف عليك وعلى مظاهر كدابة، وجاي دلوقتي تعمل عليا راجل؟! مسك دراعي پعنف وضغط عليه أنا أصرف بمزاجي وأحوش بمزاجي! بيتي ومراتي، والفلوس اللي بتدخليها دي ملاليم جنب اللي بعمله! وورقة طلاقك هتوصلك الصبح عشان تعرفي قيمتك الحقيقية في السوق!
شديت دراعي منه بكل قوتي وزقيته لورا خطوتين، ورفعت الدوسيه الكحلي في وشه طلاق؟! هو إنت فاكر إني مستنية ورقتك دي كأنها صك الغفران؟! إنت اللي هترجّع اللي أكلته من ډم قلبي بالمليم الأول، وبعدها تطلق وإنت باصص في الأرض!
عصام ضحك پهستيريا، ضحكة رخيصة استهزائية أرجّع إيه يا شحاتة؟! إنتِ عندك دليل إنك دفعتي مليم واحد؟! البيت ده إيجار، والأكل والشرب ده طبيعي تدفعي فيه مدام قاعدة تاكلي وتشربي، ده لو محكمة هتقولك ملكيش مليم أحمر عندي!
فتحت الدوسيه ورميت أول ورقة في وشه الإيصال ده بإيه يا عصام؟ ده إيصال سداد إيجار الشقة لستة وتلاتين شهر ورا بعض، مسحوب من حسابي البنكي مباشرة باسم الست صاحبة العمارة،
ومكتوب فيه بوضوح تم السداد من حساب إسراء فلان. والورقة التانية دي، كشف حساب تحويلات إنستاباي لحسابك الشخصي على مدار سنتين، مبالغ مجموعها يعدي ال 450 ألف جنيه، وكل تحويل مكتوب في خانة السبب قسط الجمعية لتجهيز الشقة، ومصاريف صيانة، وتكملة مصاريف!
عصام عينه وسعت، والضحكة اتجمدت على شفايفه، مكنش متخيل إن الساذجة اللي كانت بتسمع كلامه وبتغمض عينيها كانت واعية وفاهمة كل تفصيلة وبتوثق كل قرش. كملت وأنا بفر الورق قدام عينيه والورقة دي بقى، إقرار استلام أمانة بمصاغ دهبي اللي أمك لبسته في رقبتها يوم عيد ميلادها، وموقع عليه إنت شخصياً بخط إيدك يوم ما حلفتلي إنك هتردهولي أول ما تاخد أرباح الشركة السنوية... الأرباح اللي روحت حطيتها كاش وجبت بيها العربية الجديدة!
عصام حاول يمد إيده يخطف الدوسيه، بس رجعت خطوة لورا وقفلت الدوسيه برزع متتعبش نفسك، دي كلها نسخ وصور طبق الأصل، الأصل كله عند المحامي بتاعي، والصبح هكون رفعت عليك قضية استرداد أموال وخېانة أمانة وإيصال أمانة الدهب، وقضية تمكين من الشقة عشان الإيجار باسمي وبعقد متجدد مع صاحبة العمارة!
عصام بدأ يتهته، الكبرياء المزيف والبدلة اللي لابسها بدأوا ينهاروا إسراء... إنتِ بتهزري صح؟ إنتِ عايزة تسجنيني؟! إنتِ ناسية إني جوزك وسمعتي من سمعتك؟! أنا مدير مبيعات، لو قضية زي دي وصلت الشغل هترفد فوراً!
وسمعتي وكرامتي اللي مرمغتهم في الأرض قدام أهلك عشان 500 جنيه أندومي كانوا فين؟! صحتي وسناني اللي سبتها تسوس وتعفن عشان ألم القرش وأنت بتروح تشتري عربية بمليون وربع عشان تتفشخر بيها على الغلابة، كانت فين كرامتي ساعتها؟!
قعد على طرف الكرسي وراسه بين إيديه، الهزيمة كانت واضحة في كل حركة من حركاته. الراجل اللي كان من ساعتين بس بينفخ صدره ويطرد وېهدد، بقى عامل زي فرخة مبلولة مش عارف يروح فين. رفع راسه وبصلي بنظرة استعطاف مقززة طب نتفاهم... خلينا نقعد قعدة حق. نبيع العربية؟ أبيع العربية وأديكي فلوسك كاش ونسافر نتفسح ونفتح صفحة جديدة؟! بلاش تخربي بيتنا يا إسراء، الشيطان دخل بينا وخرب الدنيا!
بصيتله بقرف حقيقي، حسيت إني كنت عمياء تلات سنين كاملة عن حقيقة الشخص ده الشيطان مدخلش بينا يا عصام، إنت كنت الشيطان في حياتي. إنت مصاص طاقة وفلوس، شخص نرجسي بيعيش على ډم غيره عشان يظهر في أحسن صورة. والبيت ده مكنش بيت أصلاً، ده كان سبوبة إنت عاملها عشان توفر