ورطة عشق

بساعتين تلاته علشان تلحق تيجي تاخد ابنك
قال كده وقفل معاه واتنهد بحزن وقال سامحيني يا عشق
تاني يوم كانو بيجهزو الشنط وكل حاجه تمام عشق بصت لبراء بابتسامه وقالت انا مش عارفه اشكرك ازاي
براء ابتسم بالعافيه وقال عادي يا عشق انا معملتش حاجه
عشق ابتسمت وقالت ازاي ده انت وقفت معانا في وقت مكانش معانا حد خالص 
براء اتنهد وقال انا انا كان نفسي اساعدكم بجد
عشق ابتسمت وقالت بس انت ساعدتنا كتير احنا من بكره يمكن منشوفش بعض تاني وانا انا بنت طول عمري بمشي بمزاجي وبعمل الي بيقولو قلبي حتى لو غلط بس لازم لما يأمرني قلبي انفذ
براء قال باستغراب مش فاهم قصدك ايه
عشق ابتسمت وقالت قصدي اني من وقت ماشوفتك وانا انا حابه كل ثانيه معاك يمكن غلط اقولك كده وطبعا مش مضطر تبادلني
نفس الشعور بس زي ما قولتلك الي بيأمرني بيه قلبي بنفذو
براء ابتسم بسعاده من جواه وكان هيقولها ازاي هو كمان حاسس نفس احساسها بس اختفت ابتسامتو وبلع ريقه پخوف وقال بسرعه احنا لازم نمشي من هنا يا عشق حالا يلا بنا
عشق مفهمتش قصدو ولسه هتسألو بس قبل ما تنطق كان الباب اتكسر فجأه
و دخل فهمي و رجالتو وقال بابتسامه نور قلبي معقوله عايزه تهربي مني وعقلك مصورلك اني هسيبك تاخدي ابني كمان
نور وعشق اټصدمو وخافو جدا ونور شدت ابنها عليها بشده وبقت ترجع لورا وهيه بتقول بړعب لا لا وانبي لا ابني
عشق وقفت قدام نور وقالت پغضب وخوف خد رجالتك وامشي من هنا يا فهمي بيه احسن والله اطلب البوليس
فهمي ضحك وقال زي البوليس الي جبتيه من يومين مش كده
عشق اتسعت عنيها بزهول بس الي صدمها وخلاها هتقع من طولها لما فهمي طلع فلوس كتير وحدفها لبراء وقال شكرا يا برو وخليك مستني مني تليفون يمكن احتاجك في حاجه تانيه
بقلم زهرة الربيع
عشق بصتلو پصدمه ودموع ومبقتش قادره تتكلم ولا ترد وبراء كان منزل عيونه في الارض ودموعها اتجمعت ومش قادر يواجهها ابدا
عشق فضلت بصالو پصدمه وخيبه امل بس فاقت على صوت نور بتصرخ لما فهمي شد ابنها منها وعمر كان پيصرخ باسم امه وعشق
عشق جريت هيه ونور على فهمي وبقم يشدو الولد منو بس فهمي زقهم بقوه واخد الولد ومشي
نور قعدت على الارض وبقت تلطم وتبكي پقهر
وعشق مستسلمتش جريت ورا فهمي وبقت تتخانق وعايزه تاخد الولد باي طريقه
براء خاف عليها جدا وجري وراها وبقى يشدها ويقول اهدي يا عشق خلاص سبيه يا عشق اهدي
عشق مكانتش سمعاه وعماله ټضرب فيهم وتشد في عمر لحد ما فهمي طلع السلاح ووجهو عليها وقال ابعدي يا حلوه لتتعوري لو مش عايزها ټتأذي زي ما طلبت خدها من هنا
براء قال بسرعه لا يا باشا هاخدها هاخدها وشد عشق بكل قوتو واخدها بالقوه وهيه كانت بټضربو جامد وبتصرخ لحد ما العربيات مشيت وفقدت الأمل ووقعت على الارض بتعب وبقت تبكي جامد
براء قعد جمبها بدموع وقال بحزن وندم وقال انا اسف اسف سامحيني مكنتش اعرف انك هتبقي كل حاجه بالنسبالي مكنتش

اعرف اني هكسر نفسي بالي عملتو سامحيني
عشق بصتلو پحده ودموع وقالت امشي من وشي انا ضيعت صاحبتي وابنها وضيعت كل تعبي لاني وثقت في خاېن زبا له زيك يا رب تنفعك وغور من هنا مبقتش طايقه اشوفك
براء وقف ومسح دموعه وقال انا همشي ياعشق بس هرجع تاني وهجيب معايا عمر انا هرجعو لامو زي ما اخدتو منها حتى لو هروح فيها المهم تسامحيني وقال بعد ما شوفت دموعك مبقتش عايزهم مش هقبض تمن كسرة نفسك لو حصلي حاجه حاولو تسامحوني
براء قال كده ومشي وعشق بصت للفلوس باستغراب انو سابها فعلا وقبل ما يطلع بالعربيه جريت وراه وقالت ولا استنى يلا
براء بصلها باستغراب وعشق ركبت معاه وقالت لو انت فعلا رايح ترجع عمر فأنا رجلي على رجلك
براء اندهش وقال يا بت انتي مش دلوقتي بتقولي مش طايقه تشوفيني
عشق قالت احم ايوه منفتكرش اني سامحتك انا بس عايزه ارجع عمر لامو يلا اطلع
بعد ساعتين كانو عند فيلا فهمي الطاهر واقفين بعيد وبصو لقو الحراس مالين الدنيا
براء قال هنعمل ايه في كل الحرس دول
عشق قالت هما دول نفس الرجاله الي جم خطڤو عمر
براء بصلهم شويه وقال لا مش هما التانين انا عارفهم
عشق بصتلو وابتسمت بخبث
براء فهمها وقال لا بقولك ايه بلاش النظره دي بطلي جنان واياكي تفكري تعمليها
عشق قالت وانت مالك هو انت جوزي ولا خطيبي انا حره وبعدين الوضع ده كلو انت السبب
فيه وقلعت الجاكت وفردت شعرها وقالت يلا استعد علشان مارلين منرو هتنزل الساحه
براء مسكها من دراعها وقال بغيظ يابت اعقلي ده لو واحد هزر معاكي بس هتحتاجي اعادة ضبط مصنع
عشق قالت قولتلك متدخلش ويلا في اقل من ربع ساعه تدخل تجيبو وتيجي
عشق قالت كده ودخلت البوابه الرئسيه وصړخت جامد
واحد من الحرس جري يشوف
فيه ايه واول ما شافها شاور لزمايلو واتجمعو حواليها واحد منهم قال خير فيه ايه
عشق قالت بدلال رجلي رجلي يا اسمك ايه كنت معديه من هنا ورجلي اتلوت وقولت اشوف حد هنا يقدر يساعدني ممكن تشلني تقعدني على كرسي من الي هناك ده
واحد منهم شالها وكانو بيتكلمو معاها واثناء انشغالهم دخل براء ودخل الفيلا بحذر وكان ماسك 
فضل يلف في الفيلا ويستخبى كل ما يشوف حد من الخدم وبقى يدور على اوضة عمر بس هو وبيدور سمع صوت من مكتب فهمي قرب كويس وفتح الباب شويه وسمعو بيقول اليومين دول العيون علينا ركذ علشان الشحنه هتوصل بكره
براء افتكر لما عشق قالتلو ان نور سابتو علشان بيشتغل طلع تليفونو بسرعه مأمن المكان كويس اه هتيجي بالبر على طريق مرسي علم خد بالك انا عمري ما اتمسكت فأمن نفسك كويس
براء استناه قال العنوان بالتفاصيل وقفل التليفون وطلع جري 
في الجنينه كانت عشق عماله تضحك مع الشباب وقالت طب اسمعو دي هتخليكو تضحكو للصبح بيقولك مره واحد بس شافت براء نازل لوحدو جري وطلع وراح على العربيه
واحد من الحرس قال ها مره واحد ايه
عشق قالت بغيظ هافتح دماغو انهارده الشباب بصولها باستغراب وهيه وقفت وقالت شكرا بجد يا حلوين رجلي فكت همشي انا يلا باي بقى عطلتكم
واحد منهم مسك ايدها وقال ليه يا حلوه ما احنا بنتسلي
عشق ضحكت وقالت بدلال هنتسلى متستعجلش معايا مشوار ضروري وراجعه استنوني مش انتو بتفضلو صاحين و
لاهتنامو
قالو كلهم صاحين وفي اي وقت
عشق مشيت وهيه بتقول رجعالكو 
وطلعت پغضب وركبت جمب براء وقالت بغيظ انت بتسرح بيا يا جدع انت مجبتش الواد ليه
براء طلع بالعربيه وابتسم وقال مش محتاجين نجيبو احنا هنخلص من ابوه على الاخر
عشق قالت باستغراب تقصد ايه
في اليوم التاني واثناء التسليم كان براء و عشق متفقين مع البوليس وبيراقبو المكان وفعلا وصلو رجالة فهمي وهو معاهم و هنا تم القبض عليه
بقلم زهرة الربيع
عشق زغرطت بفرحه و فهمي بقى يبصلهم پغضب رهيب
والشرطه اخدتو كمان بعتو عساكر لبيت فهمي اخدو عمر من هناك و رجعتو عشق لامو الي كانت هتتجنن من الفرحه
براء لقاهم مبسوطين سوا فقرر يبعد و يسبهم و مشي بس قبل ما يوصل للباب عشق مسكت ايده و قالت انت رايح فين
براء ابتسم و قال خلاص كده يا عشق كل حاجه خلصت لازم امشي بقى
عشق ابتسمت و قالت يبقى خدني معاك
براء ضحك و قال يابنتي هو انا موعود بيكي كل ما هتحرك هتقوليلي خدني معاك
عشق قالت بابتسامه يمكن لانك بقيت قدري الي مش قادره ابعد عنو
براء ابتسم و قال بجد يا عشق ياريت اكون قدرك ياريت نفضل سوا عمر فوق العمر
عشق ضحكت و قالت و الله انت غلبان يا ابني انت جرب تستحملني نص العمر حتي من غير ما تتجنن وبعدها نفكر في بقية العمر
براء ضحك و قال و الله معاكي حق يعني مسمحاني
عشق ابتسمت و قال سامحتك يا سيدي بس هتاخدني معاك بقى
براء ابتسم و قال هاخدك بس مش دلوقتي لما اجيب عم حسنين و نيجي نخطبك
عشق قالت مين حسنين
براء قال دخ اللبان الي تحت بيتنا و بيتك انتي كمان على اعتبار ما سيكون يعني
عشق اتسعت عنيها بدهسه و قالت اللبان هتجيب اللبان علشان تخطبني يا براء
براء ابتسم بحرح و قال اعملك
ايه ده اخر واحد من الناس الي اهرفها
عشق زعلت عليه و قالت بضحك با سيدي دا هو هيقعد يخطبني من نور و عمر انت يعني شايفني بنت بارم ديلو
براء ابتسم و قال لا شايفك بنت قلبي و عشقي و كل ايامي الجايه
عشق ابتسمت و قالت بجد بتحبني يعني لو طلبت منك طلب تنفذهولي
براء قال بسرعه طبعا انتي تؤمري بس
عشق ابتسمت بخبث و قالت ميأمرش عليك ظالم هو طلب بسيط عندي واحده صاحبتي كانت متجوزه واحد من الاردن و معاها
بنت و هو دلوقتي رجع البلد وعايز ياخد بنتو معاه على الاردن و صاحبتي دي غلبانه و
براء قاطعها بغيظ و قال و ملهاش حد غيرك طبعا
عشق كانت عايزه تضحك على منظره وقالت ايه ده عرفت ازاي
براء قال بغيظ طب اسمعي بقى شو شو يا حببتي انا لا بحبك و لا هتجوزك و لا عايز اشوف وشك و نتي اصلا مش فاضيه للمواضيع دي يا قلبي يا دوب تلحقي تساعدي صحباتك و انصحك تفتحي جمعيه سميها صديقه للجميع هتسهل عليكي كتير يلا بقى بالأذن براء قال كده و نزل بسرعه و غيظ 
عشق بقت تجري وراه و هيه بتضحك و بتقول يا ابني البت غلبانه طب انت زعلت و لا ايه طب اسمعني طيب تصدق حلوه صديقه للجميع دي حلوه و الله
تمت بحمد الله 
كنتم مع ورطة عشق بقلم زهرة الربيع زهرتكم تحييكم و دمتم في امان الله مع من تحبون