الارنب المقطوع

مفكرين ان الست دي مخبية فلوس في اللعبة.. مقصدناش نأذي البنت
قلت لها اطلعي بره.. ومتجيش هنا تاني غير لما المحكمة تقول كلمتها
بعدها بأسبوع.. البنك كلمني.. قال لي ان أختي راحت تحاول تسحب من حساب الكلية تاني بتوكيل مزور.. والبنك بلغ البوليس.. واتمسكت
ساعتها عرفت انها كانت بتحاول تسحب ال 62 ألف عشان تسد ديون المحل.. بعد ما أنا وقفت الفلوس اللي كنت بديهالها
القضية اتحولت محكمة
وفي المحكمة.. القاضي سأل أختي مضيتي واحدة بټموت على بيع شقة؟
أختي قالت هي اللي وافقت
القاضي قال وافقت وهي بتاخد كيماوي؟ ومعاكي وصل أمانة؟
المحامي بتاعي قدم تقرير طبي ان مامتها الحقيقية كانت في مرحلة متأخرة ومش في وعيها الكامل.. وقدم شهادة من الجيران ان الشقة اتباعت من غير ما حد يعرف.. ولا فلوس اتدفعت
الحكم كان صدمة لأمي وأختي
العقد اتلغى.. والشقة رجعت باسم البنت.. والوصل اتلغى.. وأختي خدت حكم مع إيقاف التنفيذ عشان أول مرة.. بس اتحطت تحت المراقبة.. ولازم ترجع كل الفلوس اللي خدتها مني طول ال 3 سنين على انها سلف
أمي؟ القاضي قال لها انتي شريكة.. عشان انتي اللي روحتي معاها البنك أول مرة.. وحكم عليها بخدمة مجتمعية.. ومتقربش من البنت تاني إلا بإذن
بعد الحكم.. رجعنا البيت.. وجبت الأرنب.. ووديته لواحدة خياطة شاطرة.. خيطته ورجعته أحسن من الأول.. وحطيت جواه القلب تاني.. بس المرة دي من غير مفاتيح ولا أسرار.. حطيت جواه ورقة صغيرة مني أنا
كتبت فيها انتي شجاعة.. ومامتك بتحبك.. وأنا كمان بحبك.. وهفضل جنبك طول العمر
واديت الأرنب للبنت
البنت وقالت هو رجع؟
قلت لها آه رجع.. وعمره ما هيمشي تاني
ومن ساعتها.. بطلت أبعت فلوس لأمي وأختي.. الفلوس اللي كنت ببعتهالهم بقيت أحطها في حساب
الكلية بتاع البنت.. وكل شهر أوريها الحساب بيكبر ازاي.. وأقول لها ده الكنز اللي مامتك سابتهولك بجد.. مش فلوس.. ده انك تتعلمي وتكبري وتبقي قوية
أمي بتحاول تكلمني لحد دلوقتي.. بتبعتلي رسايل سامحيني
أختي قفلت المحل.. وبقت تشتغل من البيت.. وبعتتلي مرة رسالة طويلة بتقول انها ندمانة.. وان الديون عمت عينها
أنا لسه مردتش.. مش عشان قلبي أسود.. عشان عايزة بنتي تشوف ان اللي يوجع طفلة ويستغل ست بټموت.. لازم يتعلم الدرس.. حتى لو كان من لحمك ودمك
والنهارده.. بعد سنتين من الحكاية دي.. البنت عندها 10 سنين.. وكل يوم قبل ما تنام الأرنب وتقول تصبحي على خير يا ماما
تقصد مامتها الحقيقية
أنا وتقول وانتي كمان تصبحي على خير يا ماما
وانا بعيط كل مرة.. عشان فهمت ان الأمومة مش پالدم.. الأمومة انك تحمي.. حتى لو اللي بيأذي بنتك هو أمك انتي شخصياً
اللي حصل بعد المحكمة مكنش سهل زي ما كنت فاكرة انه هيبقى سهل
أنا كنت فاكرة اني لما أرجع الشقة والفلوس للبنت.. هحس اني انتصرت.. بس محستش
حسيت بۏجع أكبر
أول ۏجع كان بنتي.. بنت جوزي
بقت كل يوم تسألني هو أنا السبب ان تيتة مش بتيجي؟
كنت بقول لها لا يا حبيبتي انتي مش السبب
تقول بس تيتة زعقت عشان الأرنب بتاعي.. لو كنت رميته كانت هتحبني؟
وأقول لها اللي بيحب حد بيحبه عشان هو.. مش عشان بيسمع كلامه ويرمي أكتر حاجة بيحبها.. تيتة هي اللي غلطت مش انتي
بس هي كانت صغيرة ومش مستوعبة فكرة ان الكبار بيغلطوا.. وبيطمعوا
تاني ۏجع كان جوزي
جوزي بعد القضية دخل في اكتئاب.. كان بيحب مامتها الحقيقية جداً.. ولما عرف انها في آخر أيامها كانت خاېفة وبتتمضي على ورق وهي مش فاهمة.. حس بالذنب.. كان بيقول أنا كنت فين؟ ازاي سبتها لوحدها معاهم؟
كنت بقوله انت كنت بتشتغل ليل نهار عشان علاجها.. انت معملتش حاجة غلط
بس هو كان شايل الهم
تالت ۏجع كان أنا
أمي اللي ربتني.. اللي كنت كل شهر بديها فلوس القسط.. اللي كنت بجيبلها الدوا.. اللي كنت بروح أوصلها للدكاترة.. بقت تقول للناس اني أنا اللي طماعة.. وان انا اللي خدت فلوس البنت الصغيرة
كانت بتحكي في العيلة بنتي اتغيرت بعد ما اتجوزت.. بقت بتسمع كلام جوزها.. وقطعتنا عشان لعبة
ناس كتير من العيلة صدقوها في الأول.. عشان أنا كنت ساكتة ومش بحكي التفاصيل.. مش عايزة أفضح أمي وأختي
لحد ما في يوم.. خالتي كلمتني وقالت يا بنتي أمك بتقول انك طردتيها عشان دبدوب.. معقولة؟
ساعتها اڼفجرت.. وبعتلها على جروب العيلة كل الورق.. صورة الوصل.. صورة العقد الصوري.. صورة المحضر بتاع البنك لما أختي حاولت تسحب الفلوس بتوكيل مزور.. وصورة الورقة اللي جوه الأرنب بخط مامتها الحقيقية
وكتبت ده مش دبدوب.. ده حق بنت يتيمة.. أمها كتبت الورقة دي وهي بټموت عشان خاېفة من أختي.. وأمي كانت معاها وهي بتمضيها.. وأنا سكت 3 سنين بديهم فلوس وعمري ما طلبت حاجة.. ولما قطعوا آخر حاجة فاضلة للبنت من أمها عشان يدوروا على مفتاح الخزنة.. كان لازم أقول كفاية
الجروب سكت خالص
بعدها بدقيقة خالتي كتبت حسبي الله ونعم الوكيل
وواحد قريبي كتب احنا آسفين يا بنتي.. مكناش نعرف
ومن ساعتها محدش بقى يلومني
أمي بقى شكلها وحش قدام العيلة كلها.. وأختي قفلت الأكاونت بتاعها
عدت 6 شهور.. وأنا مركزة مع بنتي وبس.. بنوديها لدكتورة نفسية للأطفال.. الدكتورة قالت البنت عندها خوف من الفقد.. خاېفة أي حد بتحبه يمشي.. عشان مامتها ماټت.. والتيتة
اللي كانت مفروض تعوضها.. أذتها
الدكتورة نصحتني أخليها تكتب جوابات لمامتها..
فبقينا كل جمعة نجيب ورقة وقلم.. وهي تكتب وحشتيني يا ماما.. النهارده عملت كذا في المدرسة
وأنا كنت بكتب معاها.. بكتب جواب لأمي أنا كمان.. بس مش ببعته.. بكتب فيه كل الۏجع.. وبقطعه
لحد ما في يوم.. البنت كتبت جواب غريب
كتبت يا ماما اللي في السما.. ممكن تسامحي تيتة؟ عشان هي عجوزة ومش فاهمة.. وأنا مسامحاها عشان انتي علمتيني أسامح
قريت الجواب وعيطت.. ازاي طفلة عندها 10 سنين قلبها أنضف مني؟
أنا كنت لسه مش قادرة أسامح
بعدها بأسبوع.. أختي ظهرت قدام باب شقتنا.. كانت خاسة النص.. وشكلها تعبان.. ومعاها الأرنب القديم بتاعها هي.. لما كنا صغيرين
قالت ممكن أدخل 5 دقايق؟
جوزي كان عايز يطردها.. بس أنا قلت له سيبها
دخلت وقعدت.. وقالت أنا عارفة اني مقدرش أطلب انك تسامحيني.. أنا استغليت الست وهي بټموت.. كنت مديونة.. والراجل اللي كنت مستلفة منه كان بيهددني.. وكنت مفكرة انها غنية وعندها تأمين.. وقلت آخد الشقة أبيعها وأسد.. مكنتش أعرف انها كاتبة كل حاجة لبنتها
أنا لما قطعت الأرنب.. مكنتش عايزة أأذي البنت.. كنت بدور على المفتاح عشان كنت فاكرة الفلوس جواه.. كنت غبية وطماعة.. وډمرت كل حاجة
وطلعت من شنطتها ظرف.. فيه 20 ألف جنيه.. قالت ده أول قسط من الفلوس اللي خدتها منك طول السنين.. هفضل كل شهر أبعتلك لحد ما أخلصهم
قلت لها انتي جبتي الفلوس دي منين؟
قالت بعت الدهب بتاعي.. وقفلت المحل وبقيت بشتغل في محل تاني.. وبطلت أمد ايدي لحد
وبعدين بصت لبنت جوزي اللي كانت واقفة ورا الباب بتسمع.. وقالت لها أنا آسفة.. أنا بوظتلك اللعبة.. ممكن تسامحيني؟
البنت قربت منها.. وادت لها الأرنب بتاعها وقالت أنا مسامحاكي.. بس متقطعيش لعب حد تاني
أختي اڼهارت من العياط
أنا أختي.. لأول مرة من سنة.. وقلت لها أنا مش مسامحاكي عشان الفلوس.. أنا مسامحاكي عشان عايزة بنتي تتعلم ان الناس بتغلط وبتتوب.. مش بتفضل وحشة طول عمرها
أما أمي.. فلسه لحد دلوقتي مش قادرة تيجي.. بتبعت رسايل بس.. بتقول انها مكسوفة
أنا ببعت لها كل فترة فلوس الدوا بس.. مش القسط.. بقول لها ده دواكي عشان صحتك.. مش عشان تسامحيني
الدكتورة قالت لي ده صح.. الحدود مهمة.. أسامح بس محطش نفسي في نفس المكان اللي اتأذيت فيه تاني
والنهارده البنت عندها 11 سنة.. والشقة اللي رجعناها؟ أجرناها.. والإيجار بيدخل حسابها في البنك.. كل شهر بتتفرج عليه وهو بيكبر وتقول ده بيت ماما اللي في السما.. لما أكبر هسكن فيه
والأرنب؟ خيطته مرتين.. ولسه بتنام .. بس دلوقتي بقت تحكي له عن المدرسة.. وعن صحابها.. وعن تيتة اللي بقت بتبعتلها رسايل.. وعن خالتو اللي بقت بتيجي تلعب معاها
وأنا اتعلمت ان ساعات ربنا بيخلي أرنب مقطوع يكشف لك وشوش ناس كنت فاكرهم أمان.. ويخليك تشوف ان الحب الحقيقي مش اللي يقولك انسى اللي ماټ.. الحب الحقيقي اللي يقولك افتكريها.. واحكي عنها.. وخليها عايشة جواكي
والورقة اللي كانت جوه الأرنب؟ بروازتها وحطيتها في أوضة البنت
متخليش أختي تلاقي دي
6 كلمات أنقذوا مستقبل بنت.. وكشفوا طمع.. ورجعوا حق.. وعلموني ان الست اللي ماټت كانت أذكى مننا كلنا.. كانت عارفة ان الأرنب ده هو الخزنة الحقيقية.. مش خزنة البنك