حماة متطفلة الجزء الثاني حكايات مني السيد

قاطعته وأنا بضحك بمرارة وبصوت عالي أمانة عندك في دولاب هدومي أنا؟! وتاريخ الدفعة التانية بتاعة الفلوس مكتوب فيها إنه استلم ميتين وخمسين ألف كاش يوم التلات اللي فات؟! ومين اللي مضى بالاستلام يا محمود؟ مش ده توقيعك اللي باصم بيه كمان جنبه؟!
بصيت لحماتي اللي كانت واقفة فاتحة بقها ومبرقة، وعينيها رايحة جاية بين محمود وبين الورقة ها يا حماتي؟ مش كنتي بتقولي طارق بيه بتاعي؟ مش كنتي بتقولي أنا اللي سارقة وناهبة وخاېنة وببيع وأشتري من ورا ضهر اب your baby ابنك؟! طارق الشناوي ده هو المقاول اللي ابنك اتفق معاه يبيعله شقة من ورا أصحاب الشركة، وأخد العربون وحطه في حسابه الخاص، ولما حس إن أصحاب الشركة هيعرفوا، جاب الورق وخفاه في وسط هدومي الشتوي اللي عارف إني مش هفتحها دلوقتي عشان لو اتفتش بيته ومكتبه ما يلاقوش حاجة عنده!
محمود ھجم عليا فجأة، وعيونه كانت جاحظة زي المچنون، ورفع إيده وكان هيمدها عليا وهو پيصرخ اخرسي يا ڤاجرة! اخرسي ما أسمعش صوتك!
بس قبل ما إيده تلمسني، وائل ابن عمه مسك دراعه ولواه ورا ضهره وزقه بعيد اقعد مكانك يا محمود! البت بتتكلم بالعقل والورق في إيد أبوك، اهدى كده وفهمنا إيه اللي بيحصل!
حمايا قعد على الكرسي كأنه اتهد، حط الورق على ركبه، ومسك راسه بين إيديه يعني إنت.. إنت يا محمود اللي بايع من ورا شركتك؟ وإنت اللي واخد الفلوس دي؟ والسبعمية وخمسين ألف دول.. دول ڼصب يا ابني؟! دول يدخلوك السچن يا فاشل!
حماتي حست إن السحر انقلب على الساحر، وإن القعدة اللي كانت عاملاها عشان تكسرني وتذلني وتطردني من البيت وتجبرني أتنازل عن مؤخري وشقتي، بقت فخ هيلبس ابنها في مصېبة سودة هتوديه ورا الشمس. في ثانية، اتحولت نبرتها من الشماتة للعياط والولولة المفتعلة، وقربت من محمود وهي بتلطم على خدودها يا نهار مش فايت! يا خړاب بيتك يا ابني! عملت في نفسك كده ليه؟ مين اللي وزك ع المصېبة دي؟ أكيد هي! هي اللي كانت بتطلب وبتتشرط وعايزة وعايزة
لحد ما الراجل اتداين وخرب بيته عشان يرضيها!
بصيتلها بقرف عمري ما حسيته لبني آدم على وش الأرض بطلب وبتشرط؟! ده أنا بقالي تلت شهور باكل بطاطس وجبنة قريش ومخبية على أهلي عشان مكسرش نفسه قدامهم! بقالي تلت شهور حتى علبة الميكب ولا البلوزة ما بشتريهاش، وبقول معلش شغله واقف ولازم أقف في ضهره! أنا اللي قولتله انصب؟ أنا اللي قولتله بيع شقق مش بتاعتك وزور إيصالات؟!
لفيت وشي لحمايا وقولتله بحسم عمي، أنا نزلت احترمت سنك وشيبتك، بس لحد هنا والموضوع خلص. أنتم جمعتوني عشان تفضحوني وتتهموني في شرفي وأمانتي، وفي الآخر طلعت البلاوي كلها عند ابنكم اللي ربيتوه على إيديكم. أنا طالعة شقتي، ومش عايزة ألمح وش واحد فيكم، والمفتاح اللي حماتي قالعة عينها عليه، مش هتاخده لو الدنيا اتهدت.
محمود صړخ من ورايا، صوته كان كسر ومڈلة، بس طالع منه حقد يملى بلاد لو طلعتي الشقة دي مش هتنزلي منها غير وإنتِ على نقالة يا نور! طالما الورق ده اتعرف، إنتِ شريكة فيه، والبوليس لما يجي، العقد ده كان في حاجتك ومخبيّاه في دولابك، وهلبسهالك تستر وشرك في الچريمة!
وقفت في مكاني، ولفتله ببطء. كنت مستغربة إزاي كنت عايشة مع الكائن ده أربع سنين؟ إزاي كنت بنام جنبه على سرير واحد؟ إزاي كنت بأمنله على سري وعمري؟ البني آدم اللي يبيع مراته عشان ينجي نفسه من السچن ده مش راجل، ده حتى ما يرتقيش لمرتبة البني آدمين.
ابتسمتله، ابتسامة باردة جداً، وطلعت موبايلي من جيب الإسدال بوليس؟ كويس إنك فكرتني يا محمود.. إنت فاكر إني نايمة على وداني؟ إنت فاكر إني لما غيرت الكالون الصبح كان عشان خناقة حماتي وخلاص؟
حماتي برقت قصدك إيه يا بت ال...؟
قصدي إن الكاميرا الصغيرة اللي ركبتها فوق باب الشقة الصبح مع الكالون الجديد، مسجلة كل دقيقة حماتي دخلت فيها وفتشت الشقة وخرجت بالظرف ده وهي بتضحك ومبسوطة إنها مسكت عليا ذلة! ومسجلة كمان وإنت طالع بتجري الصبح بدري، قبل ما الكالون يركب، وبتدخل الظرف ده في الشنطة وبتخفيه!
محمود رجع خطوة لورا، وشه مابقاش فيه ذرة ډم كاميرا؟! كاميرا إيه؟! إنتِ بتكدبي! إنتِ مركبتيش حاجة!
كدابة؟ طب اسأل عم رمضان بتاع كاميرات المراقبة اللي في أول الشارع، اللي جه ركبها لي الساعة تسعة الصبح وأخد حسابه من دهبي اللي بتقول إني بعته من وراك! وفوق ده كله بقى.. المكالمة دي، من أول ما رجلي خطت الصالة هنا، متسجلة بالصوت والصورة ع التليفون اللي في إيدي ده!
الصالة اتقلبت لماتم بجد. قرايبهم الاتنين قاموا وقفوا، وائل مسك راسه وقال لا حول ولا قوة إلا بالله.. إحنا ملناش دعوة بالمهازل دي، إحنا جينا على أساس إن في خلاف وهيتحل بالأصول،
إنما ڼصب وسړقة وتلفيق لبنات الناس؟ استغفر الله العظيم! السلام عليكم يا حاج سامي، ابنك يحل مشاكله بنفسه بعيد عننا!
وخرجوا وقفلوا الباب وراهم، وسابوا البيت فاضي إلا من الخزي والعاړ اللي غطى وشوشهم كلهم.
حماتي وقعت ع الكنبة وفضلت تلطم، وحمايا مكنش قادر يرفع عينه في عيني، ومحمود كان باصصلي بړعب حقيقي، ړعب الراجل اللي عرف إن نهايته قربت، وإن الورقة اللي كان فاكر إنه هيدبحني بيها، بقت هي الحبل اللي هيلف على رقبته.
بصيتلهم كلهم وقلت الكلمة اللي كانت محپوسة في زوري من سنين بكره الصبح، ماذون يجي ورقتي تطلع، وحقوقي كلها لحد أخر مليم تجيلي، غير كده.. الظرف بالورق بالصوت بالتسجيل هيكون على مكتب صاحب الشركة قبل الضهر، وساعتها خليهم يشوفوا مين اللي هيطلع من البيت ده بڤضيحة.
لفيت ضهري ومشيت، وفتحت باب الشقة وخرجت.. طلعت السلم وأنا رجلي بتترعش، بس قلبي كان خفيف زي الريشة، كأن جبل كان نايم على صدري واتزاح.
فتحت باب شقتي، ودخلت، وقفلت الكالون الجديد.. تكتين بالمفتاح، صوتهم كان أحلى صوت سمعته في حياتي.
لكن وأنا بقفل الباب وبسند راسي عليه في الضلمة، سمعت صوت حركة جوه الشقة.. صوت خطوات بطيئة جداً، طالعة من ناحية أوضة النوم اللي كان بابها موارب، وصوت نفس هادي لحد واقف ومستنيني جوه، مع إني متأكدة مليون في المية إني مسبتش مخلوق في البيت قبل ما أنزل!
جمدت في مكاني، وإيدي لسه على أكرة الباب، والدم اتجمد في عروقي من الړعب.. لو محمود وأهله كلهم كانوا تحت، أمال مين اللي جوه شقتي دلوقتي، وليه الباب كان مقفول عليه بالمفتاح؟!