الست الوحيد اللي تستاهل ابني

لي تعالي عايز أوريكي حاجة
فتح اللابتوب ووراني حساب بنكي
قال لي بصي ده حساب أمي
قلت له إنت بتفتح حساب أمك ليه
قال مش بفتحه هي اللي ادتني الباسورد امبارح بالليل بعد ما مشينا وقالت لي حول لمراتك فلوسها
لقيت فيه تحويل داخل من حساب حماتي لحسابي 80 ألف جنيه ومعاهم 20 ألف زيادة
قلت له إيه ده
قال بتقول لك العشرين دي فوايد تأخير 3 سنين وحقك عليا
ضحكت وأنا بعيط في نفس الوقت
قلت له أنا مش عايزة فلوس أنا كنت عايزة احترام بس
قال وأنا كمان عايز أقول لك حاجة أنا آسف
آسف إني سبتك 3 سنين تسمعي كلام يسم البدن وأنا ببص في طبقي واقول لك معلش أصل ماما كده
أنا كنت فاكر إني كده بحافظ على السلام بس طلعت بحافظ على سكوتك وإنت پتتوجعي لوحدك
قلت له خلاص اللي فات ماټ
قال لا مش خلاص من النهاردة أي حد هيقول لك كلمة هرد عليه حتى لو كانت أمي
وبالفعل ده اللي حصل
بعدها بأسبوع كان عندنا عيد ميلاد قريبة جوزي
واحدة من قرايبه بتحب حماتي أوي وكانت دايما تقول هو إنت لسه مستحملة مرات ابن خالتك دي
كانت مستنية حماتي تتريق عليا كالعادة
حماتي بصت لها وقالت مرات ابني دي بنتي اللي أنقذت جوزي من المۏت بفلوس فرحها اللي يقول عليها كلمة وحشة كأنه بيقول عليا أنا
الست اټصدمت وسكتت
جوزي بص لي وابتسم
حسيت لأول مرة إني مش لوحدي في العيلة دي
طليقة جوزي بعتت لي رسالة بعدها بكام يوم
قالت لي على فكرة أنا مكنتش أعرف إن حماتك بتعمل كده عشان تغيظك أنا كنت فاكرة إنها بتعزمني عشان بتحبني بجد
ولما عرفت إنها بتستخدميني عشان تضايقك قررت إني مش هروح عندها تاني إلا لو إنت موجودة وعازماني بنفسك
احترمتها أوي
رديت عليها قلت لها إنت ملكيش ذنب دي تصرفات حماتي وأنا مسامحاكي وتعالي أي وقت
ومن يومها بقت لما تيجي عزومة كبيرة تيجي تسلم عليا أنا الأول وتقعد جنبي مش جنب جوزي
حماتي اتغيرت خالص
بقت كل يوم جمعة تكلمني تقول لي هتيجوا تتغدوا عندي ولا أجيلكم أنا
بقت تجيب لي هدايا صغيرة مكنتش بتعملها قبل كده
مرة جابت لي طرحة وقالت لي شفتها وقلت هتبقى حلوة عليكي
ومرة جابت لي طقم كوبايات وقالت فاكرة لما قلتي نفسك في طقم زي ده
الحاجات الصغيرة دي كانت بتفرق معايا أوي
عشان كنت حاسة إنها بتحاول بجد
وفي مرة كنا قاعدين أنا وهي لوحدنا في المطبخ بنعمل محشي
قالت لي عايزة أسألك سؤال وتجاوبيني بصراحة
قلت لها اسألي
قالت لي إنت ليه استحملتي 3 سنين مقلتيش لجوزك على الفلوس
قلت لها عشان كنت بحب جوزي ومش عايزة أخليه يكره أمه
وكنت فاكرة لو سكت وحاولت أبقى كويسة هتحبيني لوحدك
قالت لي طب ولو رجع بيكي الزمن هتستحملي تاني
قلت لها لا هتكلم من أول يوم بس بهدوء مش بزعيق
هقول لجوزي أنا بحب أمك بس الكلمة دي وجعتني ومحتاجة تحس بيا
عشان السكوت 3 سنين بيحول الۏجع لحجر كبير بيتقل على القلب
قالت عندك حق يا بنتي أنا علمتك درس وانت علمتيني درس أكبر
قلت لها إيه
قالت علمتيني إن الست اللي بتدخل العيلة بفلوس فرحها عشان تنقذ أبو جوزها دي مش ضيفة دي صاحبة بيت
ومن يومها بقت تقول لكل الناس مرات ابني صاحبة البيت ده مش ضيفة فيه
جوزي مرة قال لي على فكرة أمي عمرها ما قالت لطليقتي صاحبة بيت حتى أيام ما كنا مخطوبين
قلت له عشان أنا خدت اللقب ده بفلوس فرحي وبتعبي وسهري جنب أبوك في
المستشفى مش بالكلام الحلو
اللقب ده مبيتاخدش غير لما تدفعي تمنه
ودلوقتي بعد سنة من العشا ده بقت حياتنا مختلفة تماما
حماتي بقت أمي التانية بجد
بقت لما أتعب تطبخ لي وتبعت لي الأكل لحد البيت
بقت لما أزعل من جوزي تتصل بيا وتقول له مراتك زعلانة صالحها
وبقت تقول قدام العيلة كلها أنا عندي بنتين بنتي اللي ولدتها ومرات ابني اللي أنقذت بيتي
وأنا اتعلمت إن الست القوية مش اللي صوتها عالي
الست القوية اللي معاها ظرف صغير فيه حقها وتستنى اللحظة الصح وتتكلم بهدوء والكل يسمع
والظرف ده لسه عندي شايلاه في دولابي
مش عشان أفكر حماتي كل شوية
لا عشان أفكر نفسي كل ما أحس إني ضعيفة إن أنا الست اللي سكتت 3 سنين ويوم ما اتكلمت رجعت كرامتها ب 80 ألف جنيه و ألف احترام