صحيت يوم فرحي لقيت شعري محلوق

مچنونة انتي بتبوظي فرحنا
قلت له فرحنا مين ده فرحك انت لوحدك أنا فرحي خلص الصبح لما لقيت شعري في الژبالة
وبعدين بصيت للمحامية وقلت لها احكي لهم
المحامية مسكت المايك وقالت أنا المحامية المسؤولة عن وصية جد العروسة الله يرحمه العروسة ورثت 15 مليون دولار وكان ناوية النهاردة بعد كتب الكتاب تنقلهم في حساب مشترك مع العريس كهدية جواز
القاعة كلها صړخت
15 مليون
خطيبي وقع على الكرسي
أمه مسكت قلبها
المحامية كملت وقالت بس امبارح العريس بعت تعديل على عقد الجواز بيقول إن كل الفلوس اللي هتدخل الحساب المشترك تبقى من حقه هو لو حصل طلاق والعروسة ممضتش
يعني كان ناوي ياخد ال 15 مليون ويطلقها تاني يوم
أنا خدت المايك تاني وقلت وعشان كده أنا النهاردة مش هتجوز
أنا النهاردة هدي العريس هديته اللي يستاهلها
طلعت من الشنطة الورقة اللي سابها على المخدة وورقة التحويل بتاعة ال 15 مليون وقطعتهم حتت قدام الكاميرا
قلت له ال 15 مليون دول هيفضلوا باسمي وانت هتفضل بشعرك يا حبيبي عشان انت محتاجه أكتر مني
وبعدين قلعت الطرحة البيضا اللي كنت حطاها فوق القرعة ورميتها في وشه وقلت له دلوقتي شكلك انت اللي مضحك زي حقيقتك
ومشيت
200 واحد وقفوا يسقفوا
ستات بټعيط ورجالة بتقول برافو
وأمه واقعة على الأرض بتصوت وأخته بتمسح الستوري بسرعة
وهو قاعد على المنصة لابس البدلة اللي أنا شارياها والساعة اللي أنا جايباها ومش لاقي كلمة يقولها
خرجت من الفندق بفستاني الأسود وشعري المحلوق وركبت عربيتي اللي باسمي ومشيت على بيت جدي اللي ورثته
تاني يوم صحيت لقيت شعري لسه محلوق بس دماغي خفيفة
خفيفة أوي كأن 15 مليون كانوا تقال على دماغي ونزلوا
كلمت الكوافيرة قلت لها احلقيه على الزيرو خالص وساويه
قالت متأكدة ده موضة
قلت لها مش
موضة ده نضافة
نضفت راجل من حياتي ونضفت شعر اتحلق غدر
وبعدها بأسبوع عملت حفلة
نفس ال 200 ضيف بس المرة دي مش فرح
حفلة طلاق قبل الجواز
لبست فستان أحمر وشعري لسه قصير على الزيرو وحطيت تاج صغير
وكتبت على الحيطة ورا الدي جي
الشعر بيطول تاني بس الكرامة لو اتحلقت مش بتطلع تاني
وكل واحدة دخلت الحفلة خدت مقص هدية صغير مكتوب عليه قصي اللي يوجعك قبل ما يوجعك
وخطيبي القديم من ساعتها بيحاول يكلمني
بيبعت ورد على بيت جدي
بيبعت رسايل أنا آسف كنت بهزر
بهزر تحلق لعروستك شعرها يوم فرحها وتحط لها منوم
ده هزار ده اسمه شروع في قتل
والمحامية رفعت عليه قضية وكسبناها وخدت تعويض 100 ألف دولار
خدت التعويض واشتريت بيه مصنع جدي اللي كان هيبيعه
والمصنع النهاردة بيكسب في الشهر قد ال 15 مليون اللي كنت هاديله
وأنا كل ما أبص في المراية وأشوف شعري بيطول سنتي كل شهر بفتكر الورقة اللي سابها لي
دلوقتي شكلك بقيتي مضحكة زي حقيقتك
وأضحك وأقول له آه يا حبيبي شكلي مضحك بس حسابي في البنك مش مضحك خالص
شكلي قرعة بس دماغي مليانة
وانت شعرك موجود بس دماغك فاضية
وده الفرق بين اللي بيحلق شعر واللي بيحلق كرامة
بعد ما اشتريت مصنع جدي بالتعويض اللي خدته منه الناس كلها قالت لي انتي مچنونة
مصنع قديم مكنه مصدي وعماله ماشيين ومحدش بيشتري منه
بس أنا كنت عارفة أنا بعمل إيه
جدي الله يرحمه كان بياخدني المصنع ده وأنا عندي 7 سنين وكان بيقعدني على مكتبه ويقول لي المصنع ده مش مكن المصنع ده ناس لو كسبتي الناس المكن هيكسب لوحده
روحت المصنع أول يوم لقيت العمال قاعدين على الأرض بيشربوا شاي ومفيش شغل
واحد كبير في السن قال لي يا بنتي احنا بقالنا 3 شهور مقبضناش وهنمشي
قلت له محدش هيمشي
طلعت دفتر جدي القديم اللي كان كاتب فيه كل حاجة بخط إيده
جدي كان بيكتب كل قرش بيصرفه حتى الشاي
لقيت صفحة كاتب فيها إن المصنع ده كان بيكسب دهب زمان بس لما تعب والفلوس راحت للمحامين عشان الورث المصنع وقع
جمعت العمال وقلت لهم بصوا أنا مش هكدب عليكم أنا معايا فلوس بس مش هصرفها على مكن جديد قبل ما أصرفها عليكم
قبضتهم ال 3 شهور متأخر من فلوس التعويض
وبعدين قلت لهم هنبدأ من الصفر هننضف المكن بإيدينا
قعدنا أسبوع ننضف المصنع
أنا بفستاني وشعري اللي لسه بيطول حتة حتة وكنت بلبس كاب وبنضف معاهم
الناس في المنطقة بقت تقول القرعة بقت صاحبة مصنع
كنت بضحك
أصل أنا كنت قرعة بجد شعري كان لسه زيرو
بس قرعة واقفة على رجليها أحسن من واحدة بشعر طويل نايمة جنب واحد حالق لها شعرها غدر
بعد شهر المصنع اشتغل
عملت نفس المنتج اللي جدي كان بيعمله زمان بسكوت بالعجوة
بس غيرت الكيس خليته شكله حلو وكتبت عليه جملة جدي
الشعر بيطول والخير بيطول
البسكوت ضړب
الناس حبته عشان طعمه بتاع زمان
والمحلات بقت تطلبه
بعد 6 شهور المصنع بقى يورد ل 3 محافظات
بعد سنة بقى يورد لكل مصر
وبقيت أنزل إعلانات وأنا قرعة وشعري قصير لسه بيطول وأقول لهم أنا صاحبة المصنع اللي اتحلق لها شعرها يوم فرحها وقامت عملت مصنع
الناس حبت القصة
الستات بقت تيجي المصنع تتصور معايا وتقول لي انتي ادتينا قوة
وأنا أقول لهم لا أنا مديتش حد قوة انتو القوة عندكم من زمان بس كنتو مستنيين حد يحلق لكم شعركم عشان تفوقوا
خطيبي القديم بقى فين بقى في كل ده
بعد ما خسر القضية وخسر ال 15 مليون وخسر منظره قدام 200 واحد أمه طردته من
البيت
آه والله أمه