ضامن غارم كاملة

ده عشان عملية جراحية ضرورية للحاجة كريمة، لكن الحقيقة إن الفلوس راحت في شراء شاليه لمروة. ده في القانون اسمه تغيير غرض القرض، ولو أثبتنا ده، المحكمة ممكن تحكم ببطلان ضمانتك تماماً.
بقلم مني السيد 
ياسمين حست ببارقة أمل معايا رسايل على الواتساب من علي بيقولي فيها إن مامته محتاجة الفلوس ضروري عشان تدخل المستشفى، ومعايا صور مروة وهي منزلة صورتها قدام الشاليه وكاتبة شكراً يا ماما على أحلى هدية.
المحامي ابتسم ده إحنا كدة مش بس هنوقف الخصم من مرتبك، ده إحنا هنطالبهم برد كل مليم دفعوه من يوم الطلاق لحد النهاردة.
في المحكمة لحظة الحساب
يوم الجلسة، ياسمين كانت واقفة بثبات، وعلي والحاجة كريمة كانوا قاعدين وشهم في الأرض، لكن الحاجة كريمة مقدرتش تسكت أول ما شافت ياسمين، وقالت بصوت واطي ومسموع يا عيني على قلة الأصل.. عايزة تحبسينا يا خطافة الرجالة؟ ده إحنا اللي عملنا لك قيمة!
ياسمين مردتش، فضلت باصة للمنصة بوقار. القاضي بدأ يراجع المستندات، والأستاذ نبيل قدم فلاشة عليها كل الرسايل وصور الشاليه وتاريخ الشراء اللي متطابق باليوم والساعة مع صرف القرض. متوفرة على روايات و اقتباسات 
بعد مداولة استمرت ساعة، نطق القاضي بالحكم
حكمت المحكمة ببطلان عقد الضمان المحرر من السيدة ياسمين، نظراً لثبوت واقعة التدليس، وإلزام السيدة كريمة بسيوني برد مبلغ 840 ألف جنيه إجمالي الأقساط المدفوعة للمدعية، مع إحالة الشق الجنائي للنيابة العامة بتهمة النصب.
 
الحاجة كريمة صرخت يا لهوي! هجيب منين كل ده؟ علي.. اتصرف يا علي!
لكن علي كان بيبص لياسمين بنظرة فيها ندم غريب، لكنه ندم متأخر جداً.
النهاية حصاد الزرع
بعد ست شهور، الدنيا اتغيرت تماماً. الحاجة كريمة اضطرت تبيع الشاليه عشان تسدد ديون البنك وترجع فلوس ياسمين عشان تهرب من الحبس. مروة أخت علي قاطعت مامتها تماماً وقالت لها إنتي اللي ضيعتي مستقبلنا بدماغك الناشفة.
ياسمين استلمت فلوسها، وبدل ما تضيعهم في الزعل، حطتهم مقدم لشقة صغيرة في كومباوند هادي، وبقت ملكها هي وبس. وفي يوم وهي بتخلص ورق الشقة، قابلت الأستاذ نبيل المحامي صدفة. متوفرة على روايات و اقتباسات 
أهلاً يا بشمهندسة ياسمين.. مبروك على الشقة الجديدة، سمعت إنك بقيتي مديرة فرع دلوقتي؟
ياسمين ابتسمت بصفاء الحمد لله يا أستاذ نبيل، ربنا عوضني خير عن كل تعب شوفته.
الأستاذ نبيل بتردد طيب بمناسبة العوض.. ينفع أعزمك على الغدا؟ فيه مطعم هادي قريب من هنا، ونفتح صفحة جديدة بعيد عن المحاكم والديون؟
ياسمين ضحكت ضحكة صافية كانت غايبة عنها بقالها سنين، وقالت وماله يا أستاذ نبيل.. الصفحة الجديدة دي أهم حاجة في الدنيا.
أما علي، ففضل قاعد في شقته اللي باسمه، لكنها كانت فاضية وموحشة. كل ليلة كان بيطلع صورة فرحه هو وياسمين، ويفتكر يوم ما اختار كلام أمه على شريكة عمره، فيكتشف إن ابن أمه في الآخر عاش لوحده، لا نفعته أمه ولا فضلت جنبه مراته. بقلم مني السيد 
الخلاصة
ياسمين اتعلمت إن الحق ما بيموتش، وإن الضامن غارم في القانون، بس في قانون السما ربنا بيفدي الغلابة من غدر القرايب.
النهاية 
بقلم مني السيد