امي قالت عمري ما هبقي نص اختي

تأسيس الشركة.. باسمي التاني.. وصورتي وانا بمضي العقد مع البنك من 7 سنين
رميت الورقة على الترابيزة.. شوفي بنفسك.. ده اسمي التاني.. وده توقيعي.. وده ختم البنك
جوز اختها مسك الورقة.. ايده بتترعش.. وقال لا.. لا مش معقول.. انتي.. انتي كنتي بتقولي انك بتاخدي 10 الاف في الشهر
قلت كنت بقول كده عشان محدش فيكم يحس اني احسن منكم.. عشان كنت خايفة لو عرفتوا اني ناجحة.. تكرهوني.. اتاريكم كرهتوني وانا فاشلة برضه
اختها ابتدت تعيط.. انتي بتعملي فيا كده ليه؟ انا اختك
قلت لها انا اختك؟ لما امي اديتك الاسورة اللي انا شارياها.. قلتي ايه؟ لما قلتي اني بعمل شغل ورق.. قلتي ايه؟ لما سبتي امي تقولي عمري ما هبقى نصك.. سكتي ليه؟
ورحت ناحية المندوب وقلت شغل المراجعة
المندوب فتح اللاب توب.. وشغل البروجيكتور.. وطلع ارقام على الحيطة.. ارقام حمرا كتير.. خساير.. وفلوس مسحوبة.. وشيكات مضروبة
وقال المديرة الجديدة المزعومة.. سحبت 200 الف من حساب الشركة الشهر اللي فات.. عشان تشتري شنط وجزمة.. وجوزها سحب 150 الف عشان يسدد ديون قمار
القاعة كلها بصت لاختها وجوزها
اختها صرخت انتي بتتجسسي عليا؟
قلت لا.. انا براقب فلوسي.. الفلوس اللي انتي فاكرة انها بتاعتك
ابويا قعد على الكرسي.. وحط ايده على قلبه.. يعني.. يعني احنا مفلسين؟
قلت لا.. انتوا منقوذين.. بيا انا.. ولو انا سحبت ايدي.. المطاعم دي كلها هتتقفل بكرة الصبح
امي قربت مني.. ومسكت ايدي.. اول مرة من 10 سنين تمسك ايدي.. وقالت يا بنتي.. احنا اسفين.. والله ما كنا نعرف
شلت ايدي بهدوء.. وقلت كنتوا تعرفوا اني بنتكم.. وده كان كفاية.. بس انتوا اختارتوا واحدة بس تبقى بنتكم
وبعدين بصيت لاختها.. اللي كانت واقفة بتعيط والميكب بتاعها سايح.. وقلت على فكرة.. الاسورة اللي في ايدك دي.. انا كنت شارياها لامي.. بس دلوقتي انا عايزاها
اختها قلعتها ورمتها على الارض
ما وطيتش اجيبها.. دوست عليها بالكعب.. وقلت لا.. خليها.. مبقتش تلزمني.. زي حاجات كتير مبقتش تلزمني
وبصيت للصحفيين اللي كانوا بيصوروا كل حاجة.. وقلت اكتبوا.. صاحبة سلسلة مطاعم عريقة.. طلعت بنتها الصغيرة اللي كانوا بيقولوا عليها بتاعة جداول.. هي اللي بقالها 7 سنين بتصرف عليهم.. وهي اللي هتبقى المديرة التنفيذية من النهاردة.. لو عايزين.. ولو مش عايزين.. هبيع السلسلة كلها بكرة.. وهما يروحوا يدوروا على حد تاني يقولهم يا حلوين
ومشيت.. وسبت ورايا قاعة كاملة ساكتة.. واختها قاعدة على الارض.. وامها بتعيط.. وابوها ماسك قلبه
تاني يوم.. الجرايد كلها كتبت.. البنت المنبوذة تملك الامبراطورية.. والاسورة الالماظ تكشف الحقيقة
واختها كلمتني 100 مرة.. مرديتش
لحد ما في يوم.. لقيتها واقفة قدام باب شركتي.. من غير ميكب.. ومن غير فستان احمر.. لابسة تيشرت عادي.. ومعاها الاسورة
قالت جاية ارجعلك الاسورة.. وجاية اقولك انا اسفة.. كنت غيرانة منك.. عشان انتي اذكى مني.. وانا كنت بمثل اني انا الشاطرة
خدت منها الاسورة.. ورميتها في الزبالة قدامها.. وقلت انا مش عايزة الاسورة.. انا عايزة اختي.. اللي كانت بتلعب معايا واحنا صغيرين قبل ما الفلوس تدخل بينا
حضنتني.. وعيطنا احنا الاتنين في نص الشارع.. والناس بتتفرج
ومن ساعتها.. هي بقت تشتغل معايا في الشركة.. بس المرة دي.. انا المديرة.. وهي بتتعلم.. بجد.. مش بتمثل
وامي؟ امي كل يوم بتيجي المكتب تجيبلي فطار.. وتقولي يا نص اختك ايه.. انتي بقيتي ست اختك وستي انا كمان
بعد الحضن اللي في الشارع.. قلت لها اطلعي.. طلعت معايا المكتب.. وقعدتها على الكرسي اللي قصادي.. وطلبتلها قهوة.. ودي اول مرة من 10 سنين نقعد وشنا في وش بعض من غير خناق
قالتلي وهي بتبص في الارض.. انتي عارفة.. انا لما كنت صغيرة.. ماما كانت دايما تقول عليكي انتي المخ اللي بيفهم.. وانا الحلوة اللي هتتجوز.. فا انا صدقت.. صدقت ان دوري في الحياة اتجوز واخلف وبس.. وانتي دورك تشتغلي وتشيلي العيلة.. ولما اتجوزت.. جوزي كان كل شوية يقولي.. شايفة اختك؟ بتعمل فلوس ازاي وانتي قاعدة في البيت؟ فا بقيت اكرهك غصب عني
سمعتها للاخر.. ومقاطعتهاش.. وبعدين قلتلها.. وانا كنت فاكرة انك انتي اللي امك بتحبها.. وانا كنت البطة السودة اللي محدش بيحبها.. فا كنت بشتغل ليل نهار عشان اثبت اني استاهل اتحب.. لحد ما بقيت بشتغل عشان انتقم.. مش عشان انجح
سكتنا شوية.. وبعدين قلت.. بصي.. انا مش هطردك.. ولا هطرد ماما وبابا من المطاعم.. بس في شروط
قالت بسرعة.. اي حاجة.. اقسم بالله اي حاجة
قلت.. اول شرط.. جوزك مش هيدخل المطاعم تاني.. ولا هيقرب من حساباتها.. الراجل ده مدمن قمار وسحب 150 الف وانا ساكتة.. لو فضل.. هبلغ عنه البوليس
وشها اتخض.. انتي عرفتي منين موضوع القمار؟
انا اعرف كل جنيه بيخرج من الشركة بيروح فين.. من 7 سنين وانا مراقبة كل حاجة.. وعارفة انه كان بياخد فلوس من الخزنة ويقول انه بيشتري لحمة
عينيها دمعت.. انا كنت عارفة.. بس كنت بخاف اتكلم.. كان بيقولي هيسيبني انا والعيال لو اتكلمت
قلت.. تاني شرط.. انتي هتيجي تشتغلي معايا هنا.. من الصفر.. هتتعلمي يعني ايه ميزانية.. يعني ايه موردين.. يعني ايه مرتبات.. مش هتبقي مديرة.. هتبقي متدربة.. لمدة سنة
قالت.. موافقة
تالت شرط.. ماما وبابا.. هياخدوا معاش شهري محترم.. ويعيشوا مكرمين.. بس مالهمش دعوة بالادارة.. الادارة بتاعتي انا وانتي وبس.. عشان اللي حصل قبل كده ميتكررش
حضنتني تاني.. وقالت.. موافقة.. و