امي قالت عمري ما هبقي نص اختي

موافقة كمان
تاني يوم.. رحت المطعم الرئيسي.. لقيت امي وابويا قاعدين في المكتب مستنيني.. وامهم شكلهم عجز 10 سنين في يوم واحد
امي اول ما شافتني قامت.. وقالت.. يا بنتي.. احنا اسفين.. احنا ظلمناكي
ابويا قال.. انا اللي ظلمتك اكتر.. انا كنت عارف ان اختك مبتفهمش في الحسابات.. وكنت بكلمك انتي من وراهم عشان تصلحي.. ومع ذلك.. كنت بسيب امك تقول عليكي كلام يوجع.. عشان كنت خايف ازعل اختك
قعدت قصادهم.. وقلت.. انا مش جاية احاسب.. انا جاية اتفق.. المطاعم هتفضل باسم العيلة.. وهتفضل شغالة.. بس انا اللي هبقى المديرة التنفيذية.. واختها هتشتغل معايا.. وانتوا هتاخدوا نسبة من الارباح كل شهر.. وتعيشوا مرتاحين
امي بكت.. يعني مش هتطردينا؟
قلت.. اطردكم ازاي؟ ده انا بنيت كل ده عشانكم.. انا كنت بستحمل كلامكم عشان بحبكم.. مش عشان الفلوس
ابويا مسك ايدي.. طب والبيت؟ البيت اللي احنا عايشين فيه؟ ده مرهون للبنك؟
طلعت ورقة من الشنطة.. البيت ده.. انا فكيت رهنه من 3 سنين.. ودفعت اللي عليه.. 600 الف.. والبيت دلوقتي باسمكم.. مش مرهون ولا حاجة
امي شهقت.. 600 الف؟ جبتيهم منين؟
من شغلي.. من تعبي.. من السهر
وساعتها امي عملت حاجة عمرها ما عملتها.. نزلت على ركبها وباست ايدي.. وقالت.. سامحيني يا بنتي.. انا اللي كنت بقول عليكي عمرك ما هتبقي نص اختك.. اتاري اختك هي اللي عمرها ما هتبقى نصك
شيلتها.. وقلت.. قومي يا ماما.. انتي امي.. مهما قلتي
بعدها بشهر.. عملت اجتماع لكل مديرين المطاعم ال 12 فرع.. ووقفت قدامهم.. وقلت.. انا صاحبة الشركة الحقيقية.. من النهاردة مفيش حاجة اسمها بنت صاحب المطعم.. في حاجة اسمها شغل.. اللي هيشتغل هيقعد.. اللي هيسرق هيمشي
واحد من المديرين قال.. طب واختك؟
قلت.. اختي بتتعلم.. ولو غلطت هحاسبها زيكم بالظبط
الكل سقف.. وحسوا ان اخيرا في حد بيفهم ماسك الشغل
وجوز اختها.. لما عرف انه اتمنع من دخول المطاعم.. جه لحد البيت عند امي وابويا وزعق.. وقال.. انتوا ازاي تسيبوا بنتكم الصغيرة تتحكم فيكم؟
اختي كانت واقفة وسمعته.. واول مرة في حياتها.. ردت عليه.. وقالت.. اطلع برة.. انت ملكش مكان هنا.. انت كنت بتسرقنا وانا ساكتة.. وكمان بتضربني.. اطلع برة والا هطلبلك البوليس
وكان معاها تسجيل.. تسجيل ليه وهو بيقول انا باخد فلوس من الخزنة
الراجل خاف ومشي.. ومرفعش قضية ولا حاجة.. عشان كان عارف انه حرامي
وبعدها اختي رفعت عليه قضية خلع.. وكسبتها في 3 شهور
وبقت هي وعيالها عايشين مع امي وابويا.. وبتيجي كل يوم الشركة.. لابسة بدلة بسيطة.. وبتقعد تتعلم.. وبتسأل.. وبتكتب.. وانا بعلمها.. وعمري ما قلتلها يا فاشلة.. كنت بقولها برافو.. اتحسنتي
وفي يوم.. كنا قاعدين بنراجع ميزانية فرع جديد.. لقيتها بتقولي.. على فكرة.. انا لقيت حل يوفر 20 الف في الشهر في بند اللحوم
بصيتلها وانبهرت.. وقلت.. انتي اللي لقيتيه لوحدك؟
قالت.. اه.. قعدت 3 ايام ادور
ساعتها حضنتها.. وقلت.. شايفة؟ انتي شاطرة ازاي؟
وعيطت.. وقالت.. اول مرة حد يقولي اني شاطرة من غير ما اكون لابسة فستان احمر ولا اسورة الماظ
اما الاسورة.. فا انا خدتها من الزبالة.. وصلحتها.. واديتها لامي في عيد ميلادها اللي بعده.. وقلت لها.. دي هديتك اللي انا كنت شارياها من 5 سنين.. بس المرة دي.. خليها في ايدك انتي.. متديهاش لحد
امي لبستها.. وباستني.. وقالت.. انا كنت غبية لما اديتها لاختك.. كنت فاكرة ان الحلوة هي اللي تستاهل الالماظ.. نسيت ان الالماظ الحقيقي هو اللي بيستحمل ويشيل العيلة
والنهاردة.. بعد سنة كاملة.. سلسلة المطاعم بقت بتكسب ضعف اللي كانت بتكسبه.. فتحنا 3 فروع جداد.. وانا واختي بقينا شركا.. 50 ليها و ليا.. رغم اني اقدر اخدها كلها.. بس انا اديتها 50 عشان تفضل حاسة انها ليها قيمة
والصحفيين لما بيجوا يسألوني.. ايه احساسك وانتي انتقمتي من عيلتك؟
بقولهم.. انا منتقمتش.. انا فوقت.. في فرق كبير.. الانتقام بيخليكي تدمري.. الفوقان بيخليكي تبني.. وانا اخترت ابني.. ابني نفسي وابني اختي وابني عيلتي من جديد
واخر مرة اتعشينا كلنا مع بعض.. امي رفعت الكاس تاني.. زي الليلة اللي قالتلي فيها عمري ما هبقى نص اختي.. بس المرة دي قالت جملة تانية.. قالت.. لبناتي الاتنين.. اللي علموني ان الست مش بفستانها ولا بجوازها.. الست بعقلها.. وانتوا الاتنين بقيتوا ستات بجد.. وانا فخورة بيكم
وانا واختي بصينا لبعض.. وضحكنا.. والاسورة الالماظ بتلمع في ايد امي.. بس المرة دي.. كانت لايقة عليها بجد