قيمة شهاده الرياضه

ملف الدرع محتاج يتفحص قبل ما الشراء يكمل
حد رد
خليت صوتي هادي ومهني
معاكي فلانة.. محتاجة اسجل قلق اضافي بخصوص مشروع الدرع
سكت شوية
وبعدين المسئول سأل
شايفة ان عملية الشراء المفروض تكمل قبل ما المراجعة تخلص؟
بصيت من الشباك على الراجل
على الراجل اللي فاكر ان اتفاقه ابو 600 مليون خلاص مضمون.. على خطيبي اللي لسه مخرجش ورايا
وبعدين رديت بهدوء
لا.. بناء على التناقضات اللي مش متجاوبة واللي متسجلة في الملف.. انا بوصي اننا نوقف عملية الشراء لحد ما نعمل مراجعة التزام كاملة
سكت تاني
مفهوم.. هنمشي في اجراءات المراجعة الرسمية
قفلت
من ورا الازاز الراجل لسه بيتكلم
لسه بيضحك.. ولسه مش عارف حاجة
انا ملغيتش صفقته.. ولا عاقبته عشان اهانني
انا بس عملت شغلي اللي هو عمره ما فكر مهم كفاية عشان يسألني عنه
وعلى يوم الجمعة.. الراجل ده هيكتشف ان صفقة الحكومة ام 600 مليون مش متوقفة على ثقته بنفسه ولا علاقاته ولا رأيه في الست اللي قاعدة قدامه
متوقفة على العقد هيستحمل الفحص ولا لا
وقفت في البلكونة والهوا الساقع بيخبط في وشي وانا لسه ماسكة التليفون.. سمعت صوت باب البلكونة بيتفتح ورايا.. افتكرته خطيبي جاي يعتذر.. لفيت لقيتها مراته
قالتلي بصوت واطي تعالي ادخلي جوه.. الجو برد
قلتلها لا انا كويسة هنا
قالتلي انا اسفة على اللي حصل.. هو كده طول عمره
قلتلها طول عمره بيقول للناس انتي مش مهمة كفاية تكلميني؟
سكتت.. وبعدين قالت بيقولها بطريقة تانية.. بس اه.. بيعمل كده
قلتلها وانتي اتعودتي؟
قالت بنتعود.. عشان المركب تمشي
قلتلها المركب اللي بتتبني على ان حد يدوس على حد عشان تمشي.. بټغرق في الاخر
بصتلي كأنها اول مرة تسمع الجملة دي.. وقالت انتي هتسيبيه؟
قلتلها هو اللي سابني من بدري.. انا بس اللي كنت عامية
قالتلي ابني بيحبك على فكرة
قلتلها اللي بيحب حد مبيقولش حاضر يا بابا وهو شايف خطيبته بتتهان قدامه.. اللي بيحب بيقف.. حتى لو ابوه.. حتى لو هيخسر فلوس
سكتت ومردتش
دخلت انا جوه.. لمېت شنطتي.. خطيبي قام بسرعة قال رايحة فين؟
قلتله ماشية
قال استني هوصلك
قلتله لا خليك.. خليك قاعد على الترابيزة المهمة دي.. عشان انت مهم كفاية تقعد عليها
ومشيت
ركبت عربيتي وانا ايدي بتترعش.. مش من البرد.. من القهرة.. سنة ونص وانا فاكرة اني لقيت راجل هيقف جنبي.. طلع راجل بيقف ورا ابوه
تاني يوم الصبح روحت الشغل بدري كالعادة.. مكتبي في الدور الرابع.. ملف مشروع الدرع لسه مرمي على المكتب.. 3 بوصة ورق.. مليان نوتس صفرا وحمرا انا كاتباها
زميلتي في المكتب قالتلي لحقتي تبعتي الميل امبارح؟
قلتلها اه
قالت الدنيا مقلوبة.. جت اوامر بوقف المراجعة النهائية لحد ما اللجنة الفنية تخلص
قلتلها عادي.. ده شغلنا
قالتلي بس شركة الدرع دي كبيرة اوي.. دول واصلين
قلتلها واحنا شغلنا اننا نراجع الواصلين قبل الغلابة.. عشان دي فلوس جيش.. فلوس ناس بټموت على الحدود
قالتلي انتي قلبك جامد
قلتلها لا انا بس شوفت كتير
فضلت طول اليوم براجع الورق تاني.. الارقام مش راكبة.. في مورد مكتوب انه ورد قطع من المانيا.. والقطع دي اصلا محظور تصديرها من المانيا من سنتين.. طب جابها منين؟
وفي بند تاني.. تكلفة الاختبار مكتوبة 40 مليون.. وفي فاتورة تانية لنفس الاختبار مكتوبة 12 مليون.. الفرق راح فين؟
كل دي حاجات صغيرة لوحدها.. بس لما تجمعيها جنب بعض.. تبقى حاجة كبيرة اسمها علامات خطړ
على الساعة 4 العصر.. تليفوني رن.. رقم غريب
الو
انتي اللي موقفة مشروع الدرع؟
قلتله مين حضرتك؟
قال انا ابو خطيبك
قلتله اهلا
قال انتي فاكرة نفسك مين؟ فاكرة انك عشان شغالة في مكتب حكومة تقدري توقفي مشروع بقاله 11 سنة؟
قلتله انا موقفتش
حاجة بمزاجي.. انا عملت شغلي.. الملف فيه مشاكل ولازم يتراجع
ضحك ضحكة عالية وقال مشاكل؟ انتي اللي مشكلة.. انتي واحدة جاية من بيت صغير في ولاية صغيرة.. فاكرة انك هتلعبي مع الكبار؟ انا هكلم الوزير نفسه.. وهتترفدي
قلتله بهدوء اعمل اللي انت عايزه.. بس الملف مش هيتقفل غير لما يتراجع.. حتى لو كلمت الرئيس نفسه
قال هتندمي
وقفل السكة
ايدي كانت بتترعش تاني.. بس المرة دي مش قهرة.. ڠضب
كلمت خطيبي.. مردش.. بعتله رسالة ابوك كلمني بيهددني
رد بعد ساعة معلش.. هو عصبي شوية.. سيبيه يومين وهيهدى
معلش؟
هو عصبي شوية؟
سيبيه يومين وهيهدى؟
ده كان رده على ان ابوه بيهددني في شغلي؟
ساعتها فهمت اني مكنتش مخطوبة لراجل.. كنت مخطوبة لظل ابوه
بعتله احنا فركش
مردش.. بعدها بساعتين بعت ممكن نتكلم؟
قلتله مفيش كلام.. انت اخترت تقول حاضر يا بابا.. وانا اخترت اقول لا
وعملتله بلوك
يوم الجمعة اللي هو كان مستنيه عشان يحتفل بال 600 مليون.. بدل الاحتفال.. جاله ميل رسمي من الوزارة
تم وضع مشروع الدرع قيد المراجعة الشاملة للالتزام.. لوجود تناقضات في اوراق الموردين وتقديرات التكلفة.. سيتم استدعاء الشركة لجلسة استماع الاسبوع القادم
الراجل اټجنن
راح الوزارة.. حاول يقابل ناس.. كلهم قالوله الاجراء روتيني.. لما الورق يتظبط هنمضي
بس هو عارف ان الورق مش متظبط
يوم جلسة الاستماع.. انا مكنتش حاضرة.. عشان تضارب مصالح.. عشان كنت اعرف العيلة.. ف زمايلي هما اللي حضروا
حكولي بعدها
قالوا قعد ساعة ونص بيحاول يشرح منين القطع جت.. ومعرفش يثبت
وسألوه عن فرق ال 28 مليون بتاع تكلفة الاختبار.. قال مصاريف ادارية
قالوله فين الفواتير؟
قال هنجيبها
قالوله بقالك 11 سنة بتجهز.. ومش معاك فواتير؟
سكت
اللجنة قررت تمد المراجعة 90 يوم كمان.. وتطلب تحقيق خارجي
ال 600 مليون اللي كان فاكرهم مضمونين.. طاروا مؤقتا.. ويمكن يطيروا نهائيا لو ثبت تلاعب
بعدها باسبوعين.. لقيت مراته.. ام خطيبي السابق.. مستنياني تحت الشغل
قالتلي ممكن نتكلم دقيقتين؟
قلتلها اتفضلي
قالت انا عايزة اشكرك
قلتلها على ايه؟
قالت عشان انتي اول واحدة من 30 سنة تقول لجوزي لا.. انا طول عمري بقول حاضر.. وابني طلع بيقول حاضر.. وانتي جيتي قولتي لا ومشيتي.. وده فوقني
قلتلها فوقك ازاي؟
قالت طلبت الطلاق
اټصدمت
قالت بعد ما مشيتي.. جوزي فضل يزعق انك بوظتي الصفقة.. وانا بصتله وقلتله.. هي مبوظتش حاجة.. انت اللي بقالك 30 سنة بتبوظ كل حاجة حلوة عشان فاكر نفسك فوق الناس.. وانا كنت بسمحلك.. وابني اتعلم مني اسمحلك.. بس البنت دي ماسمحتلكش.. وانا هتعلم منها
قلتلها انتي متأكدة؟
قالت اه.. وقدمت على شغل.. هشتغل في جمعية خيرية.. وهبدأ من جديد.. وعلى فكرة.. ابني ساب الشركة بتاعة ابوه
قلتلها بجد؟
قالت اه.. قاله مش عايز اشتغل في مكان بيقيس الناس بفلوسها.. وراح اشتغل في شركة صغيرة.. وبيحاول يكلمك بس انتي عاملاله بلوك
قلتلها مش هفك البلوك
قالت براحتك.. انتي حرة.. بس هو اتغير
قلتلها متأخر
مشيت وهي بټعيط بس بتبتسم.. اول مرة اشوفها بتبتسم بجد
اما انا؟
رجعت مكتبي.. الملف لسه على مكتبي.. بس المرة دي كنت ببصله وانا فخورة
مش عشان وقفت صفقة
عشان عملت الصح.. حتى لما كان الصح هيزعل ناس اقوى مني
وحطيت ورقة جديدة على الملف كتبت عليها تمت المراجعة.. لا يوصى بالموافقة قبل استيفاء المستندات
ومضيت
وافتكرت وانا صغيرة لما كنت شايلة شهادة الرياضة في الدوسيه الازرق وابويا مسألش فيها
زمان كنت فاكرة ان قيمتي متوقفة على حد يشوف الشهادة
دلوقتي عرفت ان قيمتي ان انا اللي اشوف الشهادة.. واعرف انا مين.. حتى لو محدش صقفلي
ال 600 مليون لسه متعلقين.. بس انا؟ انا اخدت حاجة اغلى من 600 مليون
اخدت نفسي
بعد ما مضيت الورقة اللي كتبت عليها لا
يوصى بالموافقة قبل استيفاء