قيمة شهاده الرياضه

المستندات وحطيتها على الملف.. حسيت اني اخيرا خدت نفسي.. بس اللي مكنتش اعرفه ان اللي جاي كان اتقل
بعدها بتلت ايام.. كنت قاعدة في مكتبي براجع ملف تاني خالص.. لقيت مديري في الشغل داخل عليا ووشه مقلوب
قالي تعالي مكتبي
دخلت.. قفل الباب.. قالي في شكوى متقدمة فيكي
قلتله شكوى ايه؟
قال شكوى انك بتستخدمي منصبك لتصفية حسابات شخصية مع شركة من الشركات المتقدمة.. وانك على علاقة شخصية سابقة بعيلة صاحب الشركة.. وانك موقفة الملف اڼتقاما
حسيت بدمي فاار
قلتله مين اللي مقدم الشكوى؟
قال صاحب الشركة نفسه.. باعت ميل للوزارة وللرقابة.. وكاتب فيه انك كنتي مخطوبة لابنه وفسختي.. وبتستخدمي شغلك عشان تبوظي صفقته
قلتله الكلام ده كدب.. انا اللي موقفة الملف قبل ما اعرف انه ابو خطيبي اصلا.. والتناقضات متسجلة من قبل ما اروح العشا ده
قال انا عارف.. وانا قريت الملف.. وعارف انك صح.. بس الاجراءات لازم تتاخد.. هيحققوا معاكي
قلتله يحققوا
قال انتي واثقة من نفسك؟
قلتله جدا
تاني يوم اتحولت للتحقيق الداخلي.. قعدت قدام 3 مستشارين.. واحد منهم ست كبيرة.. شعرها ابيض.. بتبصلي كأنها بتمتحني
قالتلي احكيلنا ايه اللي حصل من الاول
حكيت كل حاجة.. من اول يوم دخلت الجيش.. لحد يوم العشا.. لحد ما قال انتي مش مهمة كفاية تكلميني.. لحد ما اكتشفت ان الملف بتاعه هو اللي على مكتبي
قالتلي ولما عرفتي انه هو صاحب الشركة.. عملتي ايه؟
قلتلها عملت اللي القانون بيقوله.. بلغت ان في تضارب مصالح محتمل وطلبت اني متبقاش انا اللي امضي الموافقة النهائية.. وطلبت ان زمايلي هما اللي يراجعوا ورايا.. وكل ده متسجل بميل رسمي قبل ما اوقف الملف بيوم
بصوا لبعض.. الست قالتلي ورينا الميل
وريتهولها.. كان مبعوت الساعة 11 بالليل يوم العشا.. وانا في البلكونة
مكتوب فيه للعلم.. تبين وجود علاقة شخصية سابقة غير مباشرة مع احد اطراف مشروع الدرع.. ارجو اسناد المراجعة النهائية لزميل اخر منعا لتضارب المصالح.. مع استمراري في توثيق الملاحظات الفنية اللي رصدتها سابقا
الست ابتسمت وقالت انتي حميتي نفسك قبل ما حد يهاجمك
قلتلها اتعلمت في الجيش.. احمي ضهرك قبل ما تحمي وشك
الراجل اللي جنبها قال طب وال 600 مليون؟
قلتله ال 600 مليون مش بتوعي ولا بتوعه.. بتوع دافعي الضرايب.. بتوع عسكري واقف على الحدود مستني خوذة تحميه.. لو الخوذة دي متصنعة بقطع مضړوبة عشان يوفروا 28 مليون.. العسكري ده ھيموت.. وانا مش همضي على مۏت حد عشان ارضي حمايا السابق
سكتوا
الست قالتلي تقدري تخرجي.. وهنرد عليكي خلال 48 ساعة
خرجت وانا رجليا مش شايلاني.. مش عشان خاېفة.. عشان حاسة اني بتعاقب عشان عملت الصح
روحت البيت.. لقيت خطيبي السابق مستنيني تحت العمارة.. شكله خس النص
قالي عايز اتكلم
قلتله انت لسه معمولك بلوك
قالي عرفت ان ابويا قدم فيكي شكوى
قلتله مبروك.. ابوك بيكمل مسيرته
قالي انا جيت اقولك اني هروح اشهد ضد ابويا
اټصدمت
قلتله تشهد بايه؟
قالي هشهد انه هددك.. وهشهد انه كان عارف انك شغالة في المشتريات.. وانا قايله من زمان.. وهو اللي قالي متقولش لحد انت بتشتغل ايه بالظبط عشان متعرفش قيمتها.. وهشهد انه حاول يرشيكي بطريقة غير مباشرة يوم العشا لما قالك احنا ممكن نساعدك تسيبي شغل الحكومة وتشتغلي معانا بمرتب تلت اضعاف
قلتله انت فاكر كل ده؟
قالي فاكر.. وكنت ساكت.. وكنت جبان.. وكنت بقول حاضر يا بابا.. لحد ما انتي قولتي لا.. ولما قولتي لا.. انا فوقت
قلتله ومستعد تخسر ابوك؟
قالي انا خسړت نفسي وانا مع ابويا.. كسبت نفسي لما بعدت عنه
قلتله وانا مش هرجعلك
قالي عارف.. ومش جاي
عشان نرجع.. جاي عشان اعمل الصح مرة واحدة في حياتي
تاني يوم راح التحقيق وشهد.. قال كل حاجة.. وقال ان ابوه هو اللي كان بيضغط عليه يجيب معلومات عن شغلي.. وان ابوه حاول يستخدم علاقتي بيه عشان يعدي الملف
التحقيق خلص بعد 48 ساعة
النتيجة؟
لا يوجد اي شبهة اڼتقام او اساءة استخدام للسلطة.. الموظفة اتبعت الاجراءات القانونية كاملة وابلغت عن تضارب المصالح قبل اتخاذ اي اجراء.. يتم حفظ الشكوى.. وتحويل ملف شركة الدرع للتحقيق الجنائي لوجود شبهة تزوير في اوراق المنشأ
يعني مش بس براءة.. ده الملف راح نيابة
صاحب الشركة.. اللي قالي انتي مش مهمة كفاية تكلميني.. بقى مطلوب للتحقيق في قضية تزوير اوراق حكومية
ال 600 مليون اتجمدوا رسميا
وسمعت بعدها ان الشركة خسړت عقود تانية.. لان لما شركة بتتمسك مزورة ورق.. كل الوزارات بتبدأ تراجع وراها
بعدها بشهر.. كنت قاعدة في نفس النادي.. بس المرة دي مش عشا عائلي.. كنت مع زمايلي في الشغل بنحتفل اننا خلصنا مراجعة صعبة
لقيت مرات الراجل.. طليقته دلوقتي.. داخلة عليا.. لابسة لبس بسيط خالص.. مفيش الماظ.. مفيش حاجة
قالتلي ممكن اقعد؟
قلتلها اتفضلي
قالتلي سمعتي اللي حصل؟
قلتلها سمعت
قالت الشركة هتتباع.. وهيفلس
قلتلها زعلانة؟
قالت لا.. اول مرة من 30 سنة احس اني حرة.. اول مرة انام من غير ما احسب هو هيزعق على ايه بكره.. تصدقي اني بقيت بنام من غير منوم؟
قلتلها الف مبروك
قالتلي ابني بيقول انه لسه بيحبك
قلتلها وانا بحب نفسي اكتر دلوقتي
ضحكت وقالت عندك حق.. على فكرة.. انا سميت الجمعية اللي بشتغل فيها باسمك.. من غير ما اقول لحد.. سميتها مشروع لا
قلتلها مشروع لا؟
قالت اه.. بنعلم الستات يقولوا لا.. لا للاهانة.. لا للضړب.. لا لان حد يقولها انتي مش مهمة
عيني دمعت
قلتلها ده احلى مشروع سمعته في حياتي
قامت حضنتني ومشيت
وانا قاعدة لوحدي.. افتكرت اول يوم في الجيش.. لما الظابط قالي انتي قصيرة ومش هتنفعي
وافتكرت ابويا لما مكانش بيشوف شهاداتي
وافتكرت الراجل اللي قالي انتي مش مهمة كفاية تكلميني
كلهم قالوا نفس الجملة بطريقة مختلفة.. انتي مش مهمة
بس انا كل مرة كنت بقول لنفسي.. انا مهمة.. حتى لو انت مش شايف
والنهارده.. الملف اللي على مكتبي هو اللي بيقول مين المهم ومين المش مهم
مش انا اللي مش مهمة.. هو اللي ورقه مش مهم.. وورقه مش مهم عشان مزور
قمت روحت البيت.. فتحت الدرج.. طلعت شهادة الرياضة بتاعة وانا عندي 11 سنة.. اللي كنت طبقتها وحطيتها في درج المطبخ
فردتها.. كانت مكرمشة.. بس لسه مكتوب عليها المركز الاول
علقتها على الحيطة
عشان كل يوم اشوفها وافتكر.. انا مهمة من وانا عندي 11 سنة.. حتى لو محدش شاف
وال 600 مليون؟
راحوا لناس تانية.. شركة تانية اوراقها سليمة.. بتعمل خوذ بتحمي بجد.. مش خوذ شكلها حلو وخلاص
وانا؟
لسه بشتغل في نفس المكتب.. ولسه براجع ملفات.. ولسه بقول لا لما الورق مش عاجبني
وبقيت كل ما اشوف بنت جديدة داخلة الشغل وخاېفة تقول رأيها.. اقولها
قولي لا.. مټخافيش.. كلمة لا ممكن توقف 600 مليون.. بس كلمة حاضر وهي غلط.. ممكن ټموت بني ادم
والبنات بقت تضحك وتقولي حاضر
اقولهم لا.. قولوا لا
يضحكوا اكتر
بس بيتعلموا