فين العشا ياست يا عديمة الفايدة

بخصوص مستقبل الورث بتاعي
مرات ابني كانت فاكرة اني بوظت عشا راس السنة بتاعها
مكنتش تعرف اني غيرت خلاص المستقبل اللي كانت بتخططله جوا بيتي
ولما اخيرا هاسلم الظرفين دول لابني ومراته هيكتشفوا ان كرمي ليه حدود
البيت كان لسه بتاعي وفي المرة دي كنت ناوية احافظ عليه كده
مرات ابني فضلت واقفة في نص المطبخ و 14 واحد واقفين وراها في الصالة مستنيين العشا اللي هي وعدتهم بيه وريحة الاستيك بتاعي طالعة في المطبخ كله وانا قاعدة باكل بمنتهى الهدوء
واحدة من قرايبها ست كبيرة قالت طب يا بنتي مفيش حتى رز ناكله
قلت لها بكل ادب لا والله يا حبيبتي التلاجة فاضية انا اشتريت اكل على قد فرد واحد بس انهاردة
مرات ابني وشها بقى الوان
قالت انتي قاصدة تحرجيني
قلت لها لا يا حبيبتي انتي اللي احرجتي نفسك لما عزمتي 14 واحد من غير ما تسألي صاحبة البيت هتطبخلهم ولا لا وانا قلتلك الصبح انا مش هاطبخ
ابني جه قرب مني
قال يا ماما مايصحش كده الناس
جعانة
قلت له يا حبيبي الناس دي مش ضيوفي دول ضيوف مراتك وهي اللي مسئولة تأكلهم انا من 4 شهور بطبخ واغسل وانضف وانت كل مرة تقولي معلش يا ماما مش مستاهلة خناق طب وهو ده مستاهل ان امك تبقى خدامة ببلاش في بيتها
سكت ومردش
مرات ابني راحت جايبة تليفونها وطلبت اكل من برا دليفري
الاكل وصل بعد ساعة ونص الناس كلت وهي ساكتة ومحدش كان مبسوط
والست الكبيرة وهي ماشية قالتلي تسلم ايدك على الاستيك شكله كان حلو
ضحكت وقلت لها المرة الجاية اعملك واحد
بعد ما مشيوا مرات ابني دخلت المطبخ وهي بتغلي
قالت انتي فاكرة نفسك عملتي ايه انهاردة ده انتي بوظتي منظري قدام اهلي
قلت لها لا يا حبيبتي انتي اللي بوظتي منظر نفسك لما كتبتي على الفيس ان ده بيتنا الجميل وهو بيت انا وجوزي بنيناه طوبة طوبة وانتي بقالك 4 شهور بس قاعدة فيه
قالت ما هو كده كده هيبقى بيت ابنك يعني بيتنا
هنا بقى انا قمت فتحت الدرج اللي جنبي وطلعت الظرفين
قلت لها لا يا حبيبتي مش هيبقى بيتكم
اديت اول ظرف لابني
قلت له افتحه
فتحه وقرا
كان اخطار رسمي انهم لازم يعزلوا من البيت يوم 31 يناير زي ما اتفقنا من الاول وانه مفيش مد تاني وانه لو معزلوش هاخد اجراء قانوني
ابني شهق
قال ايه ده يا ماما انتي بتطردينا في الشتا
قلت له انا مش بطردك يا حبيبي انا بفكرك باتفاقنا انت قلت هتقعد شهرين لحد 31 يناير وانا وافقت عشان البيت كان فاضي بعد مۏت ابوك بس انت ومراتك عاملتوا البيت كأنه بتاعكم وعايزين تهدوا حيطان وتغيروا عفش ابوك وتكتبوا على النت بيتنا الجميل فكان لازم افكركم انه لسه بيتي
مرات ابني خطفت الظرف التاني
قالت وده ايه كمان
قلت لها ده يخص مستقبل البيت
فتحته
كان ورقة من المحامية اني غيرت الوصية وان البيت مش هيروح لابني اوتوماتيك لو جرالي حاجة البيت هيتباع وفلوسه هتروح لجمعية خيرية بتساعد ستات ارامل زيي ولو ابني عايز ياخد جزء لازم يبقى بيتعامل معايا باحترام مش كأني بنك بيورثه وهو عايش
مرات ابني
ايدها اترعشت
قالت انتي بتقطعي ابنك من الورث عشان طبق استيك
قلت لها لا يا حبيبتي انا بقطع فكرة انك تتجوزي ابني عشان تورثي بيته انا سمعتك وانتي بتقولي لابني انا عندها 68 سنة مش محتاجة بيت كبير وسمعت ابني وهو بيقولك انا عارف وساعتها بس عرفت ان طيبتي خلتكم تفكروا اني خلاص كبرت ومش محتاجة حاجة
ابني قعد على الكرسي وحط وشه بين ايديه
قال يا ماما انا اسف والله ما كنت اقصد
قلت له يا حبيبي انا مش زعلانة منك انا زعلانة عليك انت كنت راجل جدع وبتساعدني بعد مۏت ابوك بس من يوم ما اتجوزت بقيت بتقول حاضر ونعم على اي حاجة مراتك تقولها حتى لو على حساب امك
مرات ابني عيطت
قالت طب هنروح فين دلوقتي احنا معناش فلوس نأجر
قلت لها دي مش مشكلتي انتي من 4 شهور بتعزمي اهلك كل اسبوع وبتطلبي دليفري وبتشتري ورد وديكورات لو كنتي حوشتي الفلوس دي كنتي اجرتي شقة
قالت طب ادينا فرصة لحد الصيف
قلت لها لا 31 يناير زي ما اتفقنا ودي اخر كلمة عندي
ودخلت اوضتي وقفلت الباب
طول شهر يناير كانوا ساكتين خالص
مرات ابني بطلت تعزم حد وبطلت تقول مطبخنا وجنينتنا بقت تقول مطبخ حضرتك وجنينة حضرتك
وابني بقى بيساعدني في المطبخ ويرجع كرسي ابوه مكانه ويرجع ماكينة القهوة بتاعتي مكانها والفوط الزرقا بتاعتي
وفي يوم 30 يناير خبطوا على بابي
ابني قال يا ماما احنا لقينا شقة اوضتين وصالة صغيرة بس ايجارها غالي شوية
قلت له ربنا يوفقكم
مرات ابني قالت انا اسفة على كل اللي عملته مكنتش اعرف اني بضايقك كنت فاكرة اني بظبط البيت عشان يبقى احلى
قلت لها البيت كان حلو بكركبته بكرسي جوزي القديم بريحة قهوته لما انتي شيلتي الحاجات دي شيلتي ذكرياته معاها
قالت والله ما كنت اقصد
قلت لها حصل خير
يوم 31 يناير شالوا حاجتهم ومشيوا
البيت رجع هادي تاني بس المرادي هدوء حلو مش هدوء يوجع
رجعت حطيت كل حاجة مكانها
كرسي جوزي في الصالة
ماكينة القهوة على الرخامة
الفوط الزرقا في الحمام
وبليل قعدت اكل نفس الاستيك ونفس البطاطس ونفس الخضار بس
المرادي كنت مبسوطة وانا باكل