بوست جوز مديرتي في حفلة الشركة حصري لموقع أيام

قلتلها بسرعة والله العظيم ما كنت أعرف، أنا لو أعرف عمري ما كنت هتكلم ولا هعمل كده، أنا حتى معرفتش شكله من الماسك.
سكتت شوية وبعدين قالت أنا مصدقاكي.
استغربت، قلتلها بجد؟
قالت آه، عشان لو كنتي تعرفي كنتي هتبقي أذكى من كده ومش هتشتمي فيا قدامه.
اتكسفت أوي.
وبعدين فجأة وشها اتغير، والابتسامة الباردة راحت، وعينيها دمعت.
قالتلي تعرفي إن دي أول مرة من 5 سنين جوزي ييجي معايا حفلة الشركة؟ طول عمره بيقولي شغلك واخدك مننا، وپيتخانق معايا عشان برجع متأخرة، وبيقولي انتي بقيتي آلة شغل مش بني آدمة.
امبارح لما سمعك وانتي بتقولي إني بضغط عليكي وإنك بتتعبي، بصلي بصة عمري ما شفتها، بصة كأنه أول مرة يفهم أنا بعمل كده ليه، وإن مش أنا لوحدي اللي مضغوطة، وإن تيمي كله مضغوط معايا.
ولما بوستيه..
وشي احمر تاني وكنت هعيط.
قالتلي متتكسفيش، أنا مش زعلانة من البوسة، أنا زعلانة مني أنا.
أنا وجوزي بقالنا فترة بعاد عن بعض أوي، وكل واحد فينا بقى في دنيا، ولما شافك وانتي بتضحكي معاه ومبسوطة،
قالي جملة عمري ما هنساها، قالي نفسي ترجعي تضحكي معايا زي ما البنت دي كانت بتضحك معايا، انتي وحشتيني.
سكتت وأنا مش فاهمة أقول ايه.
قامت من على مكتبها وقعدت جنبي.
مسكت ايدي وقالتلي أنا عارفة إني مديرة صعبة، وبضغط عليكي، بس والله أنا مضغوطة من اللي فوقي أكتر منك، وبطلع ضغطي عليكم، وأنا آسفة.
وبالنسبة لجوزي.. هو راجل محترم وبيحبني، واللي حصل امبارح ده كان غلطة ماسك وتنكر، وانسيه خالص، كأنه محصلش.
وبعدين ضحكت وقالت بس لو سمحتي بعد كده لما تحبي ټشتمي فيا، اشتمي في البيت مش في حفلة الشركة.
ضحكت أنا كمان وأنا بعيط.
قالتلي قومي روحي كملي شغلك، ومش هتتطردي ولا حاجة، انتي أشطر واحدة في التيم بتاعي.
طلعت من مكتبها وأنا حاسة إني اتولدت من جديد.
تاني يوم لقيت جوزها مستنيني عند الأسانسير، كنت هلف وأجري، بس هو قال بسرعة ثانية واحدة بس.
اداني بوكس صغير فيه شوكولاتة وقال دي عشان امبارح، وأنا آسف لو سببتلك مشكلة، ومراتي ست كويسة أوي، بس انتي عندك حق هي بتبقى صعبة ساعات، متزعليش منها.
أخدت الشوكولاتة وقلتله شكراً ومشيت بسرعة.
ومن ساعتها والمديرة اتغيرت 180 درجة.
بقت بتهزر معانا، وبقت بتخلينا نمشي بدري، وبقت لما تطلب حاجة تقول لو سمحتي.
وعرفت بعدها من السكرتيرة إنها هي وجوزها بقوا بيخرجوا كل ويك إند سوا، وبقوا قريبين من بعض تاني.
وأنا؟
أنا اتعلمت درس عمري ما هنساه، إن الماسكات مش بتخبي الوشوش بس، دي بتخبي الحقيقة، وإن كلمة واحدة في وقت غلط ممكن تهد اللي بنيتيه في سنين، وإن ساعات المصېبة اللي فاكراها نهاية العالم، بتطلع بداية لحاجة أحسن.
وبطلت أروح حفلات تنكرية للأبد.
وبعد اللي حصل في مكتب المديرة، كنت فاكرة إن الموضوع خلص، وإن أكبر ڤضيحة في حياتي عدت على خير.
بس اللي مكنتش عاملة حسابه إن حفلة الهالوين كان فيها مصور.
مش مصور عادي.. ده مصور الشركة اللي بيصور كل حاجة عشان ينزلها على جروب الشركة على الفيسبوك والانستجرام.
بعدها بيومين، لقيت زميلتي في الشغل جاية بتجري عليا ووشها مخطۏف وبتوريني تليفونها.
الحقي.. الصورة نزلت.
قلبي وقع.
كانت صورة في البلكونة،
أنا وهو واقفين قريب أوي من بعض، لحظة البوسة بالظبط، والماسك بتاعه واقع لنص وشه، ووشي باين كامل.
والأنيل إن الكابشن كان الحب في زمن الهالوين.. أحلى كابل في الحفلة.
جروب الشركة فيه أكتر من 800 واحد، والصورة جابت 300 لايك في ساعة.
كنت هعيط في نص المكتب.
جريت على المديرة تاني، دخلت مكتبها وأنا بترعش ووريتها الصورة.
هي أول ما شافتها، سكتت ثانيتين وبعدين اڼفجرت ضحك.
ضحك هستيري، لدرجة إنها قعدت على الكرسي ومش قادرة تاخد نفسها.
قالتلي يا شيخة.. ده انتي بقيتي تريند الشركة.
قلتلها هتطرديني؟
قالتلي أطردك ايه بس، تعالي.
خدتني من ايدي وطلعت بره المكتب، وقفت في نص الشركة كلها وزعقت بصوت عالي.
يا جماعة.. يا جماعة.. ممكن ثانية؟
كل الناس بصت.
قالت الصورة الحلوة اللي نزلت دي، الراجل اللي في الصورة ده يبقى جوزي، والست القمر دي تبقى أشطر بنت عندي في التيم، والصورة دي اتاخدت قبل ما نتصالح أنا وجوزي، فلو سمحتوا اعملوا لاف كتير عشان الصلح ده كان بسببها.
الناس كلها سقفت وضحكت، وأنا وشي بقى أحمر زي الطماطم.
وبعدين بصتلي وقالت بصوت واطي شفتي؟ لما نواجه الڤضيحة بضحك، بټموت لوحدها.
بعدها المصور مسح الصورة ونزل صورة تانية لينا احنا التلاتة، أنا وهي وجوزها متصورين مع بعض وبنضحك، وكتب عيلتنا كبرت.
ومن ساعتها محدش في الشركة بقى يبصلي بصة وحشة، بالعكس، بقوا يقولولي يا وش السعد، انتي اللي رجعتي المديرة لعقلها.
وجوزها بقى كل ما يشوفني في الشركة يهزر ويقولي ازيك يا بنت خالتي عشان يكسر التوتر.
وأنا والمديرة بقينا صحاب بجد، مش مديرة وموظفة.
بقينا نفطر سوا، وتحكيلي عن مشاكلها مع جوزها، وأحكيلها عن خطيبي اللي سيبته.
وفي مرة سألتها هو انتي بجد مكنتيش زعلانة مني؟
قالتلي بصي هقولك الحقيقة، أول ما شفتك بتبوسيه كنت هولع فيكي، بس بعدها لما سمعتك وانتي بتقولي إني صعبة، فوقت، حسيت إني بقيت ست شغلي واكل حياتي كلها، حتى جوزي مبقاش يعرفني، وانتي فوقتيني.
فأنا المفروض أشكرك مش أزعل منك.
حضنتها وقلتلها ربنا يخليكي ليا.
وعرفت إن ساعات الغلطة اللي بنعملها واحنا لابسين ماسك، بتخلينا نقلع ماسكات تانية لابسينها طول عمرنا.
ماسك
القوة، ماسك الجدعنة، ماسك إننا جامدين ومش محتاجين حد.
وأنا من يومها قلعت كل الماسكات.