اللاب المكسور اللي رجعلي 2 مليون و 800 الف
أمي ضربت اللاب بتاعي جامد لدرجة إن الشاشة اتكسرت، وهي فاكرة إن شغل 3 سنين راح في لحظة
انتي ولا حاجة قالت وايدها لسه على اللاب
كانت واقفة قدامي، اختي الكبيرة، في السرير، لابسة بيجامة ستان، وماسكة في ايد واحدة جهاز مراقبة البيبي
لا شغل، لا فلوس، ولا بيت قالت.. عمر ما هيبقى عندك بيت وهي بتأكد يمكن تبطلي تعيشي الدور انك احسن من الكل
انتي انتهيتي قالت أمي ببرود.. بكره هكلم المحامي، ولما تمشي من البيت ده، هتمشي فاضية، وهتعيشي كده عشان انا سمحتلك انك متاخديش ولا حاجة
وطيت راسي وسيبت شعري ينزل على وشي
افرحي بقى قالت هي
وكانت فاكرة انها صح
عينيا كانت مليانة دموع
بس انا مكنتش بعيط عشان اللاب
انا كنت بفتكر حاجة خدتها لنفسي من بدري، وانا قاعدة على السرير ده
كل تهديد
كل امضة مشكوك فيها
كل مكالمة كانوا فاكرين ان محدش سامعها
كل كلام عن تحويل فلوس من ورث أبويا لمؤسسة الرعاية اللي اختي عاملاها
كل ورقة كانت فاكرة اني مكتشفتهاش
والأهم، مفيش ولا دليل من دول كان على اللاب اللي أمي كسرته
أمي مسكتني من ايدي وزقتني
اطلعي بره
رفعت راسي ببطء
متأكدة؟
عينيها برقت
قولتي ايه؟
بلعت ريقي وسيبت صوتي يترعش عن قصد
ولا حاجة
اختي شالت جهاز البيبي وحطت على وشها ضحكة كلها شماتة
بصي كويس حواليكي، بعد الليلة انتي مبقتيش من العيلة دي
مسكت ايد الشنطة
كانوا فاكرين انهم رمو بنت ملهاش لازمة في الشارع
وكانوا فاكرين ان تدمير اللاب معناه تدمير شغلي
والأهم، كانوا فاكرين انهم مسحوا أي حاجة تثبت اللي كانوا بيعملوه من ورانا
كانوا غلطانين
كل حاجة مهمة كنت نسخاها already في مكان آمن محدش فيهم يطوله
واختي رفعت جهاز المراقبة قدامي من غير قصد، ومكنتش تعرف ان فيه جهاز تاني كان متسجل بهدوء ومأمن ان أي حد بره العيلة يسمع الحقيقة
وسيبتهم
عشان فيه تفصيلة واحدة محدش فيهم كان يعرفها
في نص الليل، الملف المستخبي كان متظبط انه يفتح لوحده أوتوماتيك
وأول ما ده يحصل، الدليل مش هيجيلي انا
هيتنشر...
كانوا فاكرين انهم خلصوا عليا لما كسروا اللاب ورموني بره
بس انا وانا نازلة على السلم وشنطتي في ايدي كنت بضحك من جوايا
عشان اللي ميعرفوهوش ان اللاب ده اصلا مكنش عليه حاجة مهمة
انا من 6 شهور وانا حاسة ان فيه حاجة غلط بتحصل
ابويا الله يرحمه كان سايب ورث كبير.. بيتين وارض وحساب في البنك.. وكان كاتب وصية ان كل حاجة تتقسم بالنص بيني وبين اختي.. وامي تبقى مسئولة لحد ما نتم 21 سنة
انا عندي 26 سنة واختي 29 ومعاها بيبي.. والمفروض الورث اتقسم من زمان.. بس كل ما اسأل امي تقول.. المحامي لسه مخلصش الورق.. المحامي مسافر.. الورق ناقص امضة
لحد ما في يوم كنت بدور على شهادة تخرجي في مكتب امي ولقيت دوسيه.. دوسيه مقفول بقفل صغير.. فتحته.. لقيت فيه ورق يخض
عقود بيع مزورة.. باسمي انا.. اني بعت نصيبي في البيت والارض لمؤسسة اختي.. ب 10 الاف جنيه بس.. وانا عمري ما مضيت ولا شفت الورق ده
ولقيت تحويلات بنكية.. من حساب ابويا لحساب المؤسسة.. 400 الف جنيه.. 600 الف.. مليون.. كلها بتواريخ بعد ما ابويا مات
ولقيت تسجيلات.. كنت بسجل من موبايلي القديم لما كانوا بيتكلموا في الصالة وانا في اوضتي.. كنت سايبة الموبايل بيسجل
سمعت امي بتقول لاختي.. نورا دي غبية.. فاكرة انها بتعمل بيزنس اونلاين وهتبقى مليونيرة.. خليها تحلم.. احنا ناخد الفلوس ونقولها مشروعك فشل.. واختي بتضحك وتقول.. بكره اكسرلها اللاب وهتفكر ان كل حاجة راحت
ومن ساعتها وانا بجهز
عملت ايميل جديد.. ورفعت كل الورق على جوجل درايف.. وصورت كل حاجة فيديو.. وبعت نسخة لمحامية صاحبتي من الكلية.. وقلتلها لو حصلي حاجة افتحي الفولدر
واللاب اللي كسروه؟.. ده كان لاب قديم كنت سايباه عشان يكسروه.. اللاب الحقيقي بتاعي.. الشغل الحقيقي.. كان في شنطتي اللي انا ماسكاها وانا نازلة
خرجت من البيت الساعة 10 بالليل.. الشارع فاضي.. كلمت صاحبتى.. قلتلها.. حصل
قالت.. اطلعيلي
طلعتلها البيت.. فتحت اللاب الحقيقي.. وبصينا على الفولدر
كل حاجة موجودة
قلتلها.. اظبطي المنبه
كانت عاملة ملف متظبط انه يتبعت اوتوماتيك الساعة 12 بالليل لكل العيلة.. لاخوالي وخالاتي.. وللمحامي بتاع العيلة.. وللجهة اللي مسئولة عن المؤسسات الخيرية اللي بتراقب مؤسسة اختي
الملف فيه كل حاجة.. العقود المزورة.. التحويلات.. التسجيلات.. وفيديو ليا وانا بحكي كل حاجة بهدوء
الساعة 12 و 5 دقايق.. تليفون امي رن
كنت شايفة من بعيد.. كنت فاتحة اللوكيشن بتاع تليفون البيت اللي كنت زرعاه
اول واحد كلمها خالي.. وبعدين خالتي.. وبعدين المحامي.. وبعدين واحد من التفتيش بتاع المؤسسات
امي كانت بتصرخ في التليفون.. اختي كانت بتعيط.. والبيبي كان بيصرخ
الساعة 1 بالليل.. باب شقتي انا وصاحبتي خبط
مين؟.. خالي
فتحت
قال.. انتي كويسة؟
قلت.. اه
قال.. احنا شفنا كل حاجة.. تعالي معايا
قلت.. اروح فين؟
قال.. نروح البيت.. دلوقتي
رجعت البيت.. لقيت امي واختي قاعدين في الصالة ووشهم اصفر
اول ما دخلت امي قامت.. قالت.. انتي عملتي ايه؟
قلت.. عملت اللي كان المفروض يتعمل من 5 سنين.. رجعت حقي
خالي قال.. الورق ده كله مزور يا حاجة؟.. انتي مضيتي بنتك؟
امي سكتت
اختي قالت.. احنا كنا هنرجع الفلوس.. كنا بنستثمرها بس
قلت.. تستثمريها في ايه؟.. في لبسك وشنطك وسفرك؟.. انا شفت فواتير الكريديت كارد اللي بتدفعيها من حساب ابويا.. 80 الف في شهر واحد في محل لبس
اختي سكتت
المحامي بتاع العيلة جه.. قال.. الورق ده لو راح النيابة
