اللاب المكسور اللي رجعلي 2 مليون و 800 الف

هيبقى فيها تزوير واستيلاء على مال قاصر.. حتى لو القاصر كبرت دلوقتي.. الجريمة حصلت وهي قاصر.. وفيها حبس
امي قالت.. انتي عايزة تحبسي امك؟
قلت.. لا.. انا عايزة حقي.. حقي اللي ابويا كتبهولي
قال.. حقك موجود.. الفلوس لسه في حساب المؤسسة.. والعقود المزورة دي تبطل.. والبيت والارض هيرجعوا باسمك
قلت.. والمؤسسة؟
قال.. المؤسسة هتتقفل.. عشان بتاخد تبرعات وهي بتاخد فلوس ورث
اختي عيطت وقالت.. طب والبيبي؟.. هعيش منين؟
قلت.. هتعيشي من نصيبك الحقيقي.. النص اللي ابويا كتبهولك بجد.. مش من نصيبي انا كمان
خالي قال.. خلاص.. بكره الصبح نروح الشهر العقاري.. نرجع كل حاجة.. ونقفل الموضوع عائلي.. بدل فضايح ومحاكم
قلت.. موافقة.. بس بشرط.. اللاب اللي كسرتيه يا ماما.. هتدفعي تمنه.. 35 الف جنيه.. عشان تتعلمي متكسريش حاجة مش بتاعتك تاني
امي بصتلي وقالت.. انتي بقيتي قاسية كده ليه؟
قلت.. انا مش قاسية.. انا اتعلمت.. اتعلمت ان اللي يسكت على حقه.. الناس تدوس عليه.. وتكسر له اللاب وتقوله انتي ولا حاجة
تاني يوم.. رحنا الشهر العقاري.. رجعوا كل حاجة.. البيت باسمي نصه.. والارض نصها.. والفلوس رجعت حسابي
المحامية صاحبتي قالت.. على فكرة.. شغلك الاونلاين اللي هما كانوا بيتريقوا عليه.. عامل كام دلوقتي؟
قلت.. عامل 2 مليون جنيه في السنة
قالت.. وشايفينه ولا حاجة؟
ضحكت وقلت.. عشان عمرهم ما شافوا اللاب الحقيقي.. شافوا اللاب القديم المكسور.. وفكروه هو ده شغلي
بعد شهر.. اختي كلمتني.. قالت.. ممكن نتقابل؟
اتقابلنا في كافيه.. جابت البيبي معاها
قالت.. انا اسفة.. بجد اسفة.. ماما هي اللي كانت بتزن عليا وتقول ان انتي مش محتاجة فلوس عشان شغلك بينجح.. وانا محتاجة اكتر عشان البيبي
قلت.. وانتي سمعتي كلامها ليه؟.. ما تسأليني انا؟
قالت.. كنت غيرانة منك.. عشان انتي عرفتي تعملي حاجة لوحدك.. وانا معرفتش
قلت.. طب دلوقتي؟
قالت.. دلوقتي المؤسسة اتقفلت.. وانا بدور على شغل.. ممكن تساعديني؟
قلت.. اساعدك ازاي؟
قالت.. تعلميني شغلك الاونلاين؟
قلت.. اعلمك.. بس مش هشتغل معاكي.. هعلمك وتبدأي لوحدك.. عشان متقوليش اني بتحكم فيكي
وفعلا.. علمتها.. وبدأت شغل صغير بتبيع حاجات للبيبي اونلاين.. وبدأ يكبر
وامي؟.. امي سكتت خالص.. بقت تيجي تزور البيبي وتمشي.. مبقتش تقول انتي ولا حاجة.. بقت تقول.. ربنا يوفقكم انتو الاتنين
واللاب المكسور؟.. لسه شايلاه عندي في الدولاب.. كل ما اشوفه بفتكر الليلة اللي اترميت فيها بره البيت وشنطتي في ايدي وافتكروني انتهيت
بس اللي انتهى بجد.. كان خوفي
من ساعتها وانا فاهمة.. ان اللي يكسرلك لاب.. ممكن يبقى فاكر انه كسرلك شغلك.. بس لو انتي مأمنة نفسك.. وعاملة نسخة تانية من كل حاجة في مكان آمن.. محدش هيعرف يكسرك
والملف اللي كان هيفتح الساعة 12؟.. فتح.. وفضح كل حاجة.. بس فتحلي انا كمان باب جديد.. باب اني ابقى صاحبة البيت بجد.. مش ضيفة فيه
بعد ما كل حاجة رجعت باسمي واختي بدأت شغلها الصغير.. كنت فاكرة ان القصة خلصت خلاص.. حق رجع.. وبيت اتقسم.. وكل واحد في حاله.. بس اللي اكتشفته بعدها بشهرين خلاني افهم ان الملف اللي فتح الساعة 12 كان فيه صفحة ناقصة.. صفحة انا نفسي مكنتش شفتها
كنت قاعدة بنضف أوضة أبويا الله يرحمه.. أوضة مقفولة بقالها 3 سنين محدش بيدخلها غير أمي عشان تنضفها كل جمعة.. وامي كانت مانعة حد يدخلها وتقول دي ريحة أبوكم لسه فيها
دخلت افتح الشباك عشان الأوضة مكمكمة.. وببص تحت السرير لقيت صندوق خشب صغير.. صندوق قديم مقفول بقفل مصدي
خدته وفتحته بمفك.. لقيت جواه جوابات.. كتير.. بخط أبويا
قعدت على الأرض وبدأت اقرا
أول جواب كان ليا انا
لبنتي الصغيرة.. لو بتقري الجواب ده يبقى انا مش موجود.. عايزك تعرفي اني شايل لك حاجة غير الورث.. شايل لك سر.. امك واختك مش عارفينه.. حساب في البنك باسمك انتي لوحدك.. كنت بحط فيه فلوس كل شهر من 10 سنين.. عشان لما تكبري وتقولي عايزة تعملي مشروع.. متحتاجيش لحد
ايدي اترعشت.. حساب؟.. انا معرفش حاجة عن حساب
كملت قراية.. لقيت ورقة حساب بنكي.. رقم حساب واسم بنك.. وتاريخ اخر ايداع قبل ما ابويا يموت بشهر
نزلت جري على البنك تاني يوم الصبح.. اديتهم البطاقة وقلتلهم عايزة اعرف لو ليا حساب
الموظف دخل على الكمبيوتر وقال.. اه ليكي حساب.. بقاله 10 سنين.. واخر حركة عليه من 3 سنين.. وفيه مبلغ
قال المبلغ.. انا تنحت
2 مليون و الف جنيه
ده غير الورث.. ده حساب ابويا كان عامله ليا انا لوحدي.. وامي واختي ميعرفوش عنه حاجة.. ولو مكنتش لقيت الصندوق كنت عمري ما هعرفه
رجعت البيت وانا طايرة.. بس مردتش اقول لحد.. قلت افتح باقي الجوابات الاول
تاني جواب كان لاختي.. فتحته.. كان ابويا كاتبلها
لبنتي الكبيرة.. عارف انك بتحبي المظاهر.. وبتحبي الناس تشوفك كبيرة.. بس الكبير مش بالمظاهر.. الكبير بانه يسند اخته الصغيرة.. لو قريتي الجواب ده وانا مش موجود خلي بالك من اختك
تالت جواب كان لامي.. وده اللي خلاني اعيط
لمراتي.. عارف انك بتحبي تسيطري.. وبتخافي من الفقر عشان اتربيني فقيرة.. بس الفلوس مش امان.. الامان ان بناتك يحبوا بعض.. متخليش خوفك من الفقر يخليكي تاكلي حق عيالك
قفلت الصندوق وقعدت اعيط في أوضة ابويا لوحدي ساعة كاملة
فهمت كل حاجة.. ابويا كان عارف امي.. كان عارف انها بتخاف من الفقر لدرجة انها ممكن تاخد حق عيالها عشان تحوشه.. فشال لي فلوس على جنب من غير ما يقولها
ولما خلصت عياط.. مسحت دموعي