اللاب المكسور اللي رجعلي 2 مليون و 800 الف

وكلمت خالي
قلت.. لقيت صندوق في أوضة ابويا
قال.. صندوق ايه؟
قلت.. تعال شوف
جه وشاف الجوابات.. وقرا جواب امي وسكت.. قال.. ابوكي كان حكيم.. كان عارف ان ده هيحصل
قلت.. اعمل ايه في الحساب؟
قال.. الحساب باسمك.. ده حقك انتي لوحدك.. محدش له فيه.. بس لو عايزة رأيي.. متقوليش لامك واختك دلوقتي.. سيبيهم يتعلموا يشتغلوا ويعتمدوا على نفسهم الاول.. وبعدين ابقي قوليلهم
قلت.. بس ده كتير اوي
قال.. ابوكي شقي 10 سنين عشان يشيلهولك.. عشان اللحظة دي.. اللحظة اللي تترمي فيها بره البيت وتبقي فاكرة ان معكيش حاجة.. يطلع معاكي كل حاجة
سمعت كلام خالي ومقولتش حاجة
بس بعدها باسبوع.. اختي كلمتني بتعيط.. قالت.. الشغل واقف.. والبيبي تعبان ومحتاج حضانة ب 15 الف في اليوم.. ومعيش فلوس.. وماما قالت معهاش
من غير ما افكر.. حولتلها 30 الف جنيه من الحساب الجديد.. وقلتلها.. ده سلف.. لما تقفي على رجلك رجعيه
قالت.. منين؟
قلت.. من شغلي
مردتش اقولها منين بجد
اخدت الفلوس وحطت ابنها في الحضانة والواد خف
بعدها باسبوعين.. امي تعبت.. ضغطها علي.. وراحت المستشفى.. والدكتور قال محتاجة عملية قسطرة ب 90 الف جنيه.. والتأمين مش هيغطيها
خالي كلمني قال.. امك تعبانة
قلت.. فين؟
قال.. في المستشفى
رحت لها.. لقيتها نايمة على السرير وشكلها صغير اوي.. مش الست الجامدة اللي كسرت اللاب وقالت اطلعي بره
اول ما شافتني قالت.. جيتي؟
قلت.. اه جيت
قالت.. فكرتك مش هتيجي بعد اللي عملته
قلت.. بعد اللي عملتيه ولا اللي عملته؟
سكتت وقالت.. اللي عملته انا
قلت.. طب ارتاحي دلوقتي
الدكتور قال العملية ب 90 الف.. قلتله.. اعملها.. انا هدفع
دفعت من الحساب بتاع ابويا.. 90 الف.. وامي عملت العملية وخرجت كويسة
ولما فاقت.. قلتلها.. على فكرة.. فلوس العملية دي من حساب ابويا كان شايله باسمي.. حساب انتي متعرفيهوش
بصتلي مصدومة.. قالت.. حساب ايه؟
قلت.. حساب كان بيحط فيه كل شهر عشان لما اترمي بره البيت وابقى فاكرة اني ولا حاجة.. الاقي حاجة تسندني.. واهو سندك انتي كمان
امي عيطت.. اول مرة اشوفها بتعيط بجد.. مش تمثيل.. قالت.. ابوكي كان عارفني.. كان عارف اني هبوظ.. ومع ذلك سابلي فرصة ان بنتي هي اللي تسندني.. عشان اتعلم
قلت.. اتعلمتي؟
قالت.. اتعلمت.. اتعلمت ان اللي كنت فاكراه امان.. الفلوس اللي كنت بحوشها من ورثكم.. مطلعش امان.. الامان طلع ان بنتي متسبنيش وانا على سرير المستشفى حتى بعد ما كسرت لها اللاب
خرجت امي من المستشفى ورجعت البيت.. ومن ساعتها وهي بتعاملني غير.. بقت تقول لقرايبنا.. بنتي الصغيرة دي راجل.. ب 100 راجل
واختي؟.. اختي رجعتلي ال 30 الف بعد شهرين.. ومعاهم 5 الاف زيادة.. قالت.. دي ارباح شغلي.. اول ارباح
قلت.. خليكي انتي اولى بيها
قالت.. لا.. انتي اللي علمتيني.. ولما ابني تعب انتي اللي وقفتي جنبي من غير ما تذليني
النهاردة.. الحساب لسه فيه 2 مليون و الف.. شايلاه.. مش هلمسه غير لو احتجت مشروع كبير.. وكل شهر بحط فيه زي ما ابويا كان بيعمل.. 5 الاف جنيه.. عشان لو خلفت بنت في يوم من الايام.. اسيب لها نفس الصندوق
والصندوق الخشب؟.. شيلته في دولابي.. جنب اللاب المكسور.. الاتنين جنب بعض.. واحد يفكرني بالليلة اللي اتكسر فيها قلبي وافتكروني ولا حاجة.. والتاني يفكرني بابويا اللي كان شايف اللي هيحصل من قبل ما يحصل ومأمني
وكل ما حد يسألني.. انتي ازاي قدرتي تسامحي امك واختك بعد اللي عملوه؟.. بقوله.. عشان ابويا كتبلي في الجواب.. الامان مش الفلوس.. الامان ان اخواتك يحبوا بعض.. ولو فضلت شايلة منهم.. هبقى زي امي.. بخاف من الفقر.. فباكل حق اقرب ناس ليا.. وانا مش عايزة ابقى كده
والملف اللي فتح الساعة 12؟.. هو اللي رجعلي حقي.. بس الصندوق اللي لقيته الساعة 10 الصبح هو اللي رجعلي عيلتي