صيدليه الغلابة

تاني
أخويا وصل في 10 دقايق، معاه أمين شرطة، دخل الصيدلية وقال فين المدير؟
الراجل قال أنا المدير
أخويا قاله وريني سجل صرف الروشتات النهاردة
الراجل قال السجل مش معايا
البنت الشابة بسرعة فتحت الكمبيوتر وقالت السجل أهو، أنا هوريهولك وطلعت الصفحة اللي فيها اسم أبويا مرتين، مرة الساعة 917 ومرة الساعة 1230 اللي هي لما احنا جينا.
أخويا قال مين اللي صرف الساعة 917؟
البنت قالت مش متسجل اسم المستلم، متسجل إنه استلم ببطاقة، بس الكاميرا هتبين
الراجل حاول يقفل الكمبيوتر، أمين الشرطة مسك إيده.
أخويا طلب يفرغ الكاميرات، صاحب الصيدلية الحقيقي جه جري بعد ما البنت كلمته في التليفون من غير ما الراجل ياخد باله.
صاحب الصيدلية راجل كبير محترم عنده 60 سنة، أول ما شاف أبويا قاعد برا على الكرسي ووشه أصفر قال يا حاج إنت؟ ده انت زبوننا من 6 سنين، انت اللي كنت بتدعي لابني لما كان عيان؟
أبويا قاله أيوه يا ابني، بس الظاهر دعوتي خلصت
صاحب الصيدلية دخل جوا، فتح الكاميرا بتاعة الصبح، ولقينا المصېبة.
الساعة 9 و دقيقة، دخل واحد شاب لابس كاب، معاه بطاقة مضړوبة، نفس اسم أبويا بالظبط، نفس الاسم الرباعي، وادى للراجل أبو بالطو روشتة مزورة، والراجل صرفهاله من غير ما يطلب يشوف البطاقة الأصلية ولا يتأكد، وخد منه 800 جنيه تمن الدوا، مع إن الدوا ده مدعوم وبيتصرف تبع التأمين الصحي بتاع أبويا ببلاش تقريباً.
يعني الراجل كان بيصرف الدوا المدعوم لناس برا التأمين بفلوس كتير، وياخد الفرق في جيبه، ولما صاحب الدوا الحقيقي ييجي يقوله السيستم واقع وتعالى بكرا، عشان يزهقه ويمشيه.
صاحب الصيدلية اټصدم، قال أنا بقالي 3 شهور بلاحظ عجز في أدوية القلب والسكر المدعومة، وكنت فاكر إنها بتتسرق
من المخزن، أتاريه هو
الراجل أبو بالطو حاول ينكر، قال أنا معرفش إنه نصاب، هو جاب بطاقة
أخويا قاله بطاقة مزورة وانت صيدلي بقالك 20 سنة متعرفش تفرق بين البطاقة السليمة والمضړوبة؟ وكمان بتصرف روشتة قلب من غير ما تتأكد من تاريخ الميلاد؟
النجدة جت، وخدت الراجل، والبنت الشابة قعدت ټعيط، كانت خاېفة ټتأذي.
أنا حضنتها وقلتلها مټخافيش، انتي أنقذتي حياة أبويا، الدوا ده لو كان فوت جرعتين كان ممكن يجيله جلطة
أبويا لما عرف الحكاية، قام من على الكرسي ودخل الصيدلية وهو ساند على العكاز، وراح للبنت وقالها يا بنتي انتي اللي رجعتيني من برا؟
قالتله أيوه يا حاج، مقدرتش أسيبك تمشي وانت مش واخد علاجك
أبويا طلع من جيبه 50 جنيه قديمة كان شايلها للطوارئ واداهالها وقالها خدي يا بنتي، دي عشان انتي بنت حلال
هي مرضيتش تاخدها، باسته على راسه وقالتله ادعيلي بس
صاحب الصيدلية صرف لأبويا الدوا من عنده، من المخزن الخاص بتاعه، وقال ده هدية مني، وطول ما أنا فاتح الصيدلية دي، دواك هيبقى محجوز باسمك كل شهر، ومحدش هيقدر يصرفه غيرك انت وبنتك
خرجنا من الصيدلية بعد 3 ساعات، أبويا ماشي وماسك الدوا في حضنه كأنه ماسك حاجة غالية، بيقول 6 سنين باخد الدوا ده وعمري ما فكرت إن حد ممكن يسرق دوا قلب راجل عجوز
قلتله يا بابا الدنيا فيها الۏحش وفيها الحلو، لولا البنت الشابة دي، كنا روحنا ونمنا وانت من غير دوا
تاني يوم، البنت كلمتني، قالتلي إن صاحب الصيدلية رقاها وخلاها مسئولة عن صرف الأدوية المدعومة، وإن الراجل اللي اتقبض عليه طلع عامل كده مع 23 حالة تانية، بيصرف أدوية ناس غلابة ببطايق مضړوبة ويبيعها برا بسعر غالي.
وأبويا؟ بقى كل شهر لما يروح ياخد الدوا، يعدي الأول يجيب شيكولاتة للبنت، ويقعد يحكيلها عن أيامه وهو صغير، وهي بقت تناديله يا بابا
وأنا كل ما أفتكر الوصل المتكرمش اللي ادتهوني وهمستلي متخليهوش يعرف إنك شوفتي ده بحس إن ربنا لسه بيبعت ناس طيبة في وسط الزحمة، ناس پتخاف من مديرها وبتترعش بس بتقول الحق، حتى لو هتتطرد، حتى لو هتتأذي، عشان عارفة إن فيه راجل عنده 73 سنة واقف على عكاز بقاله ساعتين مستني دوا قلبه، وده أهم من الوظيفة وأهم من الخۏف.
وعشان كده لما حد بيقولي الدنيا بقت وحشة، بقوله لا، الدنيا لسه فيها بنت عندها 30 سنة، عينيها تعبانة، وبتترعش، بس أول ما شافت حاجة غلط، زحلقت وصل وقالت أرجوكي متتمشيش دلوقتي
فضلنا واقفين قدام الصيدلية وابويا ماسك كيس الدوا كأنه ماسك عمره اللي رجعله تاني، وصاحب الصيدلية الراجل الكبير واقف بيعتذر وبيقول حقك عليا يا حاج، انا اللي غلطت اني سبت الصيدلية لحد غيري
ابويا قاله يا ابني انت مغلطتش، انت ربيت بنت جدعة في صيدليتك، البت دي هي اللي انقذتني
البنت الشابة واقفة على جنب بټعيط ومكسوفة، ايديها بتترعش وكل شوية تبص ناحية الباب خاېفة الراجل ابو بالطو يرجع تاني.
انا خدتها على جنب وقلتلها انتي اسمك ايه؟ لا لا متقوليش اسمك، قوليلي انتي بقالك قد ايه شغالة هنا؟
قالتلي بقالي 8 شهور، كنت بشتغل في صيدلية تانية بس مشوني لما اعترضت انهم بيبيعوا لبن الاطفال المدعم سوق سودا، جيت هنا فكرت الدنيا هتبقى احسن، لقيت نفس الحكاية بس على اكبر، الراجل ده بقاله سنتين بياخد روشتات الناس الكبيرة اللي تبع التأمين ويصرفها لناس برا بفلوس
قلتلها وعرفتي ازاي؟
قالت كنت بشوف اسماء بتتكرر، ناس كبيرة في
السن بتيجي تقول